Գազայում երկու օրում իսրայելական հարվածներից 64 մարդ է զոհվել (լուսանկարներ)

Գազայի տարբեր հատվածներում վերջին երկու օրվա ընթացքում իսրայելական ուժերի ռմբակոծությունների և գնդակոծությունների հետևանքով զոհվել է ավելի քան 60 պաղեստինցի։ Այս տվյալները տրամադրել է անկլավի առողջապահության նախարարությունը, գրում է ՏԱՍՍ-ը։

Նրա տվյալներով՝ «Վերջին 48 ժամվա ընթացքում Գազայում իսրայելական բանակի գործողությունների զոհ է դարձել 64 մարդ, 155-ը վնասվածքներով տեղափոխվել է գոտու հիվանդանոցներ»։ Առողջապահության նախարարությունը նշել է, որ 2023 թվականի հոկտեմբերի սկզբից մինչ օրս «իսրայելական ագրեսիայի զոհերի թիվը հասել է 41 182-ի, 95 280 պաղեստինցի վիրավորվել է»։