Գազի գինը կարող է բարձրանալ. Փաշինյանի միակողմանի զիջումների հետևանքը

Տավուշյան ներկայացումից երկու օր անց Փաշինյանի իշխանությունը պաշտոնապես տվեց Հայաստանի հյուսիսում թշնամուն տարածքներ հանձնելու գործընթացի մեկնարկը։ Ըստ Հայաստանի և Ադրբեջանի միջև ստորագրված համաձայնության` ադրբեջանական կողմը երկու կետում դուրս է գալիս Հայաստան-Վրաստան միջպետական ճանապարհի վրա, ինչը նշանակում է, որ այդ ուղղությամբ ճանապարհը Գորիս-Կապան միջպետական ճանապարհի 21 կիլոմետրանոց հատվածի ճակատագրին է արժանանում, որտեղով, ի դեպ, անցնում է նաեւ Վրաստանով Հայաստան մտնող գազամուղը։

Սա իր հերթին նշանակում է, որ եթե ՀՀ իշխանությունները չեն ցանկանում հայտնվել էներգետիկ բլոկադայի մեջ, ապա պետք է այդ հատվածում շրջանցող գազամուղ կառուցեն, ըստ փորձագետների` խոսքը մոտավորապես 10 կմ երկարությամբ հատվածի մասին է:  Իսկ յուրաքանչյուր կիլոմետրի արժեքը մոտավոր հաշվարկներով 2-3 միլիոն դոլար է: Հասկանալի է, որ ռուսական էներգո-կոռպորացիան՝ «Գազպրոմը» իր գրպանից չի վճարելու Փաշինյանի արկածախնդրության դիմաց և, ըստ էության, գազամուղի այդ հատվածի կառուցման ֆինանսական բեռը ընկնելու է կառավարության վրա: Փաշինյանի կաբինետը պատեհ և անպատեհ առիթներով վարկեր է ներգրավում միջազգային կազմակերպություններից, կասկած անգամ չկա, որ այս անգամ էլ հարցի ֆինանսական կողմը փորձելու են փակել հենց վարկերի միջոցով: Իսկ սա էլ իր հերթին նշանակում է, որ սպառողների համար գազի գինը կարող է թանկացնել հենց կառավարությունը:

Ավելորդ է ասել, թե ինչ մուլտիպլիկատիվ էֆեկտ է սա ունենալու: Տեղի է ունենալու գների համատարած բարձրացում, առաջին հերթին՝ էլեկտրաէներգիայի, տրանսպորտի, սննդամթերքի: Ըստ ոլորտի փորձագետների՝  գազի գնի 10-15% բարձրացումը կործանարար կլինի Հայաստանի տնտեսության մի շարք ոլորտների համար: Օրինակ, թարմ մրգեր-բանջարեղենների, պահածոների գերակշռող մասն արտահանվում են, հետևաբար՝ նաև արտահանման տեսանկյունից այստեղ կարող է խնդիր առաջանալ՝ գազի թանկացումն ընդհանուր ապրանքների գնի վրա կանդրադառնա:

Հանրությունը պետք է գիտակցի, որ այսօր Տավուշում տեղի ունեցողը միայն տավուշցու խնդիրը չէ, Նիկոլ Փաշինյանի ընդունած որոշումներն ու միակողմանի զիջումները հարվածելու են ՀՀ յուրաքանչյուր քաղաքացու և գազի գնի հնարավոր բարձրացումը այդ հարվածի ընդամենը մեկ դրսևորումն է...

Այս թեմայով Նիկոլ Փաշինյանը Սփյուռքի գործերի հանձնակատարներ է նշանակել Այս ջրհեղեղի հետևանքով նոր պետք է անդրադառնանք ճանապարհաշինական ստանդարտներին. Փաշինյան (տեսանյութ) Կղերաֆեոդալական համակարգը բունտ է անում հիմա. Փաշինյան (տեսանյութ) Սահմանազատված հատվածներում ապահովված է անվտանգության հնարավոր ամենաբարձր երաշխիքը. Փաշինյան (տեսանյութ) Եթե հարկ լինի` Կիրանցում նոր դպրոց կկառուցենք, ծնողների հետ կքննարկենք անվտանգության հարցը․ Փաշինյան (տեսանյութ) Դուրս եմ եկել Փաշինյան-Ալիև դուետի դեմ. վերստին ասում եմ՝ Ալիև՛, գլուխդ պատին ես տվել. Սրբազան (տեսանյութ) Նիկոլ Փաշինյանն անդրադարձել է կաթողիկոսի հետ կապված միջադեպին (տեսանյութ) Էդ էլիտաները իրենց «Բրաբուսներով» պատերազմների ժամանակ էլ, խաղաղության ժամանակ էլ չեն տառապում․ Փաշինյան (տեսանյութ) Ուրիշ հերոս չգիտե՞ս. Միքայել Սրբազանը՝ Նիկոլ Փաշինյանին (տեսանյութ) Նիկոլ Փաշինյանը Լոռու եւ Տավուշի մարզերում արտակարգ իրավիճակի կառավարման օպերատիվ շտաբի նիստ է անցկացրել