Հայոց ցեղասպանության ժխտումը հանգեցրել է աշխարհում նոր ոճրագործությունների. Շվեդիայում ՀՀ դեսպան

Ապրիլի 24-ին Շվեդիայի խորհրդարանում՝ Ռիկսդագում, կայացավ Հայոց ցեղասպանության 109-րդ տարելիցին նվիրված միջոցառում, որը կազմակերպվել էր Ռիկսդագի Շվեդիա-Հայաստան բարեկամության խմբի անդամների և Շվեդիայում Հայաստանի դեսպանության կողմից։

Միջոցառմանը ելույթներով հանդես եկան Շվեդիայում ՀՀ դեսպան Աննա Աղաջանյանը, Շվեդիա-Հայաստան բարեկամության խմբի նախագահ Բյորն Սյոդերը, բարեկամության խմբի անդամ Արին Կարապետը։

Որպես հրավիրյալ բանախոսներ՝ ելույթներով հանդես եկան գրող, աստվածաբան, «Հայոց ցեղասպանությունը շվեդների աչքերով» գրքի հեղինակ, դոցենտ Գյորան Գյունները և շվեդ լրագրող, 44-օրյա պատերազմին նվիրված «Ես դանդաղ մեռնում եմ ամեն օր» գրքի հեղինակ Ռասմուս Քանբեկը։

Ներկաները 1 րոպե լռությամբ հարգեցին Հայոց ցեղասպանության զոհերի հիշտակը։ Դեսպան Աղաջանյանն իր խոսքում նշեց, որ Հայոց ցեղասպանության ժխտման և ընդհանուր անպատժելիության մթնոլորտը հանգեցրել են աշխարհի տարբեր վայրերում նոր ոճրագործությունների, իսկ մեր պարագայում՝ 2020թ․ Արցախյան երկրորդ պատերազմին, Արցախի/Լեռնային Ղարաբաղի տևական շրջափակմանը, և ի վերջո՝ 2023թ․ սեպտեմբերյան ագրեսիային ու ավելի քան 100.000 արցախահայության էթնիկ զտմանը։

Հայ ժողովրդին իր սեփական բնօրրանում ապրելու, արարելու, ինքնությունից զրկելու և արմատախիլ անելու ձգտման գիտակցումն այսօր մեզ պետք է առաջ մղի էլ՛ ավելի արժևորելու հայ ազգի և հայոց պետականության գոյությունն ու առավել մեծ պատասխանատվությամբ մոտենալու ապագայի կերտմանը։

Միջոցառմանը, որին մասնակցում էին Շվեդիայի խորհրդարանի ներկայացուցիչներ, լրագրողներ, մշակութային գործիչներ, ինչպես նաև հայ համայնքի ներկայացուցիչներ, հայկական երաժշտական կատարումներով հանդես եկավ Վանինի Բիլեմջիանը:

Այս թեմայով Աշխարհում նոր հակամարտություններ են սպասվում․ Էրդողան Լեռներում չենք ապրում, այլ աշխարհում, որտեղ հարևաններ կան, հասկանու՞մ եք. Կոնջորյանը` ընդդիմությանը (տեսանյութ) Անահիտ Մանասյանն ընդունել է Հայաստանում Լիտվայի արտակարգ և լիազոր դեսպան Անդրիուս Պուլոկասին Գերմանիայի հայոց թեմի և քրիստոնեական հարանվանությունների միջև առկա է ջերմ փոխգործակցություն․ Վեհափառ Կիրանցի ճանապարհին բռնության է ենթարկվել ազատամարտիկ Մելքոն Թամրազյանը Ամենայն Հայոց Կաթողիկոսը ցավակցագիր է հղել Իրանի հոգևոր առաջնորդին Դեսպան Տիգրան Գալստյանը հանդիպել է Ռումինիայի ԱԳՆ Ֆրանկոֆոնիայի հարցերով ազգային համակարգող Ամիրա Միհայլեսկուի հետ Ո՞ր բարձրաստիճան պաշտոնյաների կանայք են պատերազմի ժամանակ առևտուր արել, որը հանգեցրել է պարտության․ Դատախազության՝ պարզաբանումը Անվտանգության մեծագույն երաշխիքը հայոց բանակն է ու հայ ժողովուրդը. Բագրատ Սրբազան (տեսանյութ) Դեսպան Բաղդասարյանն իր հավատարմագրերն է հանձնել Վիետնամի նախագահի պաշտոնակատարին