Գնդապետ Մախսուդյանի որդու ինքնազգացողությունը գիշերը վատացել է, շտապօգնություն են կանչել

ՀՀ ԱԺ պատգամավոր Գեղամ Մանուկյանը գրում է․ «Երևանի առաջին ատյանի դատարանի Ավանի նստավայրում ընթանում է երեկ ոստիկանների կողմից բռնի ուժով բերման ենթարկված գնդապետ Մախսուդյանի որդու՝ Վահագն Մախսուդյանի խափանման միջոցը ընտրելու հարցով դատական նիստը: Առավոտյան այցելել էի Երևանի ՁՊՎ և տեսակցել նրան: Վահագնի արյան ճնշումը գիշերը բարձրացել էր, ստիպված էին եղել շտապ օգնություն կանչել, առավոտյան ինքնազգացողությունն էլի լավ չէր, նորից շտապ օգնություն էին կանչել:

Մեծ թվով փաստաբաններ ընդգրկվել են Վահագն Մախսուդյանի պաշտպանության գործին: Ցավոք սրտի, Հայաստանում կյանքը ցույց է տալիս, որ փաստաբանի փաստարկները հիմնավոր կարող են լինել, երբ դատավորն անկախ է, իսկ այս դեպքում, թեև հերթապահն Աջափնյակի դատարանն էր, բայց գործը հատուկ բերել են Ավանի դատարան, որովհետև այսօր դատավորը Մայիս Մելքոնյանն է, հայտնի նրանով Հանրապետություն կուսակցության անդամ և նրա նախագահությամբ բազմաթիվ քաղաքական դրդապատճառներով կալանավորման որոշումներ են եղել:

Վահագն Մախսուդյանը երեկ Իջևանի ճանապարհին ոստիկանական ուժերի կողմից բռնի բերման էր ենթարկվել, բայց իշխանությունները, լավ հասկանալով, որ Տավուշի ոստիկաններից շատ շատերն առնվազն նրա հորը՝ Միհրան Մախսուդյանին ճանաչելով իբրև փորձառու զինվորական, իբրև երկիրը պահած զինվորական, կարող էին չկատարել քաղաքական պատվերը, ստիպված Երևանից գունյզգույն հագուստներով դիմակավորված ոստիկանական ոհմակ էին ուղարկել:

Այս իշխանությունը և դրան ենթարկվող իրավապահ համակարգն այս հարցում կրկին անցնում է կարմիր գիծը՝ ընտանիքի միջոցով շանտաժն ու վախեցնելը: Իրականում, Վահագն Մախսուդյանին կալանքի տանելով փորձ է արվում նրա հորը ետ կանգնեցնել հանուն Տավուշի պայքարից»:

Այս թեմայով ՔԿ-ից ոչ մեկը չի իջնելու ներքև, սահմանված կարգով դիմում գրեք, կընդունեն. գնդապետ (տեսանյութ) Դանիել Սարկավագի ինքնազգացողությունը վատացել է, նրան շտապօգնության մեքենայով տարել են հիվանդանոց ՆԳՆ շենքի մոտ երիտասարդ կնոջ ինքնազգացողությունը վատացավ, կորցրեց գիտակցությունը (տեսանյութ) Բագրատ Սրբազանը գիշերը ելույթ է ունեցել Սարդարապատում վարչապետի համար գաղտագողի հավաքած բեմի վրա. Փաշինյանը հուշահամալիր չի գնալու (տեսանյութ) Տավուշի դիրքերի մի հատվածը Բաքվին թողած գնդապետ Ցականյանը գեներալի կոչում է ստացել Հրդեհվել է Արծվիկ Մինասյանի որդու տունը Բիշքեկում գիշերը անկարգություններ են տեղի ունեցել. 29 մարդ է տուժել Ցույցի մասնակից աղջիկներից մեկի ինքնազգացողությունը վատացավ. Սրբազանը օգնություն ցուցաբերեց (տեսանյութ) ԱԱԾ-ին հորդորում եմ՝ կա՛մ հրապարակել փաստեր, կա՛մ Հովիկ Աղազարյանին կանչել պատասխանատվության. Բագրատ Սրբազան Ատեստավորման քննությունների բացարձակ գերազանցիկը. գնդապետ Տիգրան Հակոբյան