Մուշեղ Մուրադյանն այսօր հերթական այցով եղել է Մարմաշեն վանական համալիրի տարածքում
Տեսանյութեր
Կարևորելով Շիրակի մարզի պատմամշակութային հուշարձանների պահպանությունը, հոգատար օգտագործումն ու հանրահռչակումը` Շիրակի մարզպետ Մուշեղ Մուրադյանն աշխատակազնի պատասխանատուների, ոլորտային մասնագետների հետ հաճախ է լինում տարածքներում, հետևում իրականացված աշխատանքներին, ծանոթանում խնդիրներին, քննարկում դրանց լուծման հնարավոր տարբերակներ։
Մուշեղ Մուրադյանն այսօր աշխատակազմի պատասխանատուների, Ախուրյան համայնքի ղեկավար Զավեն Մանուկյանի հետ հերթական այցով եղել է Մարմաշեն վանական համալիրի տարածքում։
Համալիրի առաջին՝ գլխավոր եկեղեցին, ըստ հարավային պատի արձանագրության, կառուցվել է Վահրամ Պահլավունու կողմից 988 թվականին:
Նշենք, որ նորոգվել է Վահրամաբերդից Մարմաշենի վանական համալիր տանող ավտոճանապարհը, բարեկարգվել է համալիրի տարածքը։ Մարմաշենը Շիրակի մարզի ամենահայտնի զբոսաշրջային ուղղություններից մեկն է։ Զբոսաշրջային ենթակառուցվածքների զարգացման ծրագիրն իրականացվել է ՀՀ կառավարության և Համաշխարհային բանկի համաֆինանսավորմամբ՝ մոտ 664 միլիոն դրամ արժողությամբ։
Շիրակի մարզպետն այնուհետև այցելել է Մինաս Ավետիսյանի տուն-թանգարան։ Մարզպետը շրջել է թանգարանի ցուցասրահներում, ծանոթացել մշտական և ժամանակավոր ցուցադրություններին։
Մուշեղ Մուրադյանի գլխավորությամբ պատասխանատուների, Անի համայնքի ղեկավար Արման Սարիբեկյանի հաջորդ կանգառը պատմաճարտարապետական ու հոգևոր ամենաարժեքավոր կառույցներից մեկում՝ Երերույքի տաճարում է եղել։
«Հայկական պատմամշակութային ժառանգության պահպանությունը, հուշարձանների վերականգնումն ու հանրահռչակումը, արժևորումը և գալիք սերունդներին անխաթար փոխանցումը մեզ համար առաջնային նշանակություն ունի, դրա համար պետք է մեկտեղվեն մեր բոլորի ջանքերը, ինձ համար ուրախալի է, որ վաղը Գյումրիում կայանալիք «Ֆեստիվառ» փառատոնի մասնակիցները, հյուրերը կայցելեն նաև մարզի տեսարժան վայրեր, ինչը ևս մեկ քայլ է դրանց հանրահռչակման համար»,- նշել է Շիրակի մարզպետը։
Այնուհետև Մուշեղ Մուրադյանն Արթիկ համայնքի ղեկավար Անան Ոսկանյանի ուղեկցությամբ եղել է Հառիճավանքում։ Հայկական ճարտարապետական յուրօրինակ նմուշ համարվող Հառիճավանքը կառուցելիս օգտագործել են տարբեր երանգների մեծ քարեր: Արդյունքում վանքի պատերը ստացել են անսովոր գեղեցիկ տեսք: Վանքը եղել է նաև գիտության կենտրոն։
Հավելենք, որ բոլոր տեղերում Մուշեղ Մուրադյանի դիտակետում են եղել կառույցների ներկայանալի լինելը, տարածքների մաքրությունը՝ մարզ այցելող զբոսաշրջիկների լիարժեք հանգիստը ապահովելու նպատակով։
Ամենադիտված 
Հարյուրավոր հասցեներում գազ չի լինի՝ հոկտեմբերի 28-ին, 29-ին, 30-ին և 31-ին
