ԱՄՆ-ի համալսարաններում պաղեստինամետ ցույցերի ընթացքում հարյուրավոր մարդիկ են ձերբակալվել

ԱՄՆ-ի տարբեր համալսարաններում շարունակվում են ցույցերը Գազայի հատվածում ընթացող պատերազմի դեմ։ Վերջին 24 ժամվա ընթացքում հարյուրավոր ցուցարարներ են ձերբակալվել։ Հաղորդում է CNN-ը։

Ցուցարարները պահանջում են, որ համալսարանները հրաժարվեն այնպիսի ընկերությունների հետ համագործակցությունից, որոնք աջակցում են Իսրայելին և Գազայի հատվածում այդ երկրի ծավալած ռազմական գործողություններին։

Լոս Անջելեսի Կալիֆորնիայի համալսարանում ոստիկանական ուժերի մեծ ներկայություն կա։ Լոս Անջելեսի ոստիկանությունը համալսարանում տեղակայված վրանային ճամբարի հետ կապված «մարտավարական ահազանգ» է հայտարարել, իսկ ցուցարարները նախազգուշացվել են, որ նրանց դեմ կարող են վարչական գործողություններ կիրառվել։

Իր հերթին Reuters գործակալությունը հաղորդում է, որ ոստիկանների մեծ ներկայությունը պայմանավորված է նրանով, որ ապրիլի 30-ի գիշերը և մայիսի 1-ի առավոտյան վրանային ճամբարում գտնվող ցուցարարների վրա հարձակվել են մի խումբ դիմակավորված իսրայելամետ ցուցարարներ։

Արիզոնայի համալսարանում, ըստ CNN-ի, մայիսի 1-ին իրավապահները ցուցարարների դեմ կիրառել են պղպեղի գնդակներ և ռետինե փամփուշտներ:

Նյու Յորքի Կոլումբիայի համալսարանում և Նյու Յորքի քաղաքային քոլեջում ապրիլի 30-ի գիշերը մոտ 300 ցուցարար է ձերբակալվել։ Ըստ Նյու Յորքի քաղաքային քոլեջի հայտարարության՝ ցուցարարները կոտրել են ապակե դռները, նկարել են պատերին և վնասել հանրային սեփականությունը։

Ցույցեր են տեղի ունեցել նաև Դարթմութի քոլեջում, Ֆորդհամի համալսարանում, Բուֆալոյի համալսարանում, Նյու Հեմփշիրի համալսարանում, Տեխասի համալսարանում և այլուր։ Կատարվել են տասնյակ ձերբակալություններ։

Այս թեմայով Անդրանիկ Ա.-ն ձերբակալվել է Երևան-Մոսկվա չվերթի հաշվառումից հետո Կամ մտածող մարդիկ այլևս չեն կարող ապրել մեր երկրում, կամ էս մարդիկ այլևս չպիտի լինեն իշխանության. Վահե Հովհաննիսյան «Նիկոլ, վարչապետ», «Դուք թուրք եք, թուրք». սադրանք՝ Շարժման իրազեկման ակցիայի ընթացքում (տեսանյութ) «Սա բավարար չէ. տասնյակ հազարավոր մարդիկ տեսել են պիկ-ժամին հեռարձակված կեղծիքը, իսկ ցերեկը հեռարձակված՝ «լղոզված» հերքումը կտեսնեն քչերը». Մելիքյանը՝ Հ1-ի «ներողության» մասին Ձերբակալվել է 32-ամյա Նարեկ Կ.-ն Գեղարքունիքի խոպանչի մարզպետը որոշել է, որ մարդիկ այստեղ չպետք է մասնակցեն մեր հանրահավաքին․ Դանիելյան (տեսանյութ) ԱԳՆ-ի դիմաց բողոքի ակցիայի ընթացքում առերևույթ խուլիգանական արարքներ կատարելու մեղադրանքով 3 անձ կալանավորվել է Ամռանն այս գործը կվերջացնենք, մարդիկ թեթևացած, սիրուն, սրտները հանգիստ կգնան հանգստանալու. Սրբազան (տեսանյութ) ԱԳՆ-ի դիմաց ակցիայի ընթացքում խուլիգանություն համար քրեական հետապնդում է հարուցվել 5 անձի նկատմամբ Ձերբակալվել է ՀՀԿ ԵԿ անդամ Ժորա Ավետիսյանը