Կարեն Վանեցյանի փաստաբանական խումբը դիտարկում է ՄԻԵԴ դիմելու հարցը

Միջազգային խոշոր գործարար, մեր վստահորդ Կարեն Վանեցյանի վերաբերյալ հարուցված քրեական հետապնդման քաղաքականացվածության վերաբերյալ մեր համոզմունքը փաստարկել ենք այդ հետապնդումը մեկնարկելու առաջին պահից։ Մանրամասնությամբ բացահայտել և արձանագրել ենք բոլոր այն փաստերը, որոնք վկայությունն են այն հանգամանքի, որ այս հետապնդումն իրականացվում է քաղաքական իշխանության վերնախավի ուղիղ հանձնարարությամբ։ Այդ հանձնարարությունները քաղաքական իշխանության կողմից տրվել են քննչական, դատախազական և դատական համակարգերին։

Վերջին մամուլի ասուլիսում գործադիր իշխանության ղեկավարը լրացուցիչ անգամ, և արդեն առանց թաքցնելու, իր ասուլիսում անձամբ հաստատեց մեր պնդումները և տեղեկացրեց բոլորին, որ իրավապահ համակարգն ու դատարանները չեն կարող կայացնել այլ որոշում, քան մեր վստահորդ Կարեն Վանեցյանին մեղավոր ճանաչելն է։ Այսինքն արձանագրվեց քրեադատավարական գործընթացին միջամտելու ուղիղ վարքագիծ: Հատկանշական է, որ նման մոտեցման տարրերն առկա էին գործի նախաքննության ամենասկզբնական փուլում։

Հարկ ենք համարում մեջբերել ուղիղ խոսքը, որն այլ կերպ, քան քաղաքական վճռականությամբ անձին քաղաքական հետապնդման ենթարկելն է՝ անհնար է հասկանալ.

«․․․ Չնայած ես ձեզ ասեմ, էդ տարբերակ չկա, որ Հայաստանի Հանրապետությունը, ես ուզում եմ իմ քաղաքական վճռականություն էստեղ արտահայտեմ, էդ փայաբաժինը պետք ա լինի Հայաստանի Հանրապետությանը։ Ուրիշ տարբերակ չկա։ Թող որևէ մեկը․․․ կանցնի հա, մի ամիս, մի տարի, բայց դա, տարբերակ չկա, դա պետք ա որպես ապօրինի գույք վերադարձվի Հայաստանի Հանրապետությանը»։

Լրացուցիչ անգամ հիշեցնում ենք, որ խոսքն այն գույքի մասին է, որի ապօրինի լինելու կամ չլինելու հարցը դեռևս գտնվում է քննության փուլում և չկա որևէ հաստատում այն մասին, որ այդ գույքը կամ փայաբաժինն ապօրինի է։ Ուշագրավ է, որ այս բոլոր զարգացումները, հետապնդումները սկիզբ են առել գործադիր իշխանության գործողությունների և միջամտությունների հետևանքով նախաձեռնված միջազգային արբիտրաժային վեճի հետ միաժամանակ:

Հայտնում ենք, որ փաստաբանական խումբն այս առնչությամբ դիտարկում է նաև Մարդու իրավունքների եվրոպական դատարան դիմելու հարցը։

Փաստաբաններ

Արամ Վարդևանյան

Արսեն Բաբայան

Սոս Հակոբյան

Այս թեմայով Փաշինյանը էլի հիշեց Պապ թագավորին, Եկեղեցուն ազդեցության գործակալ անվանեց ու խոստացավ` հարցը կլուծվի Թափառող կենդանիների հարցը չի լուծվել . Նիկոլ Փաշինյանը խաբել է. Մաս 210. «Ժողովուրդ» Քննարկվել է Սահմանադրական դատարանի դատավորի ընտրության հարցը Ամենակարևոր հարցը, որը մեր երկրի զարգացման հիմքում պետք է դրված լինի, ճշմարտության և արդարության գաղափարն է․ Բագրատ Սրբազան Բաքվի դատարանը քննում է Ռուբեն Վարդանյանի ապօրինի կալանքի երկարաձգման հարցը Ահավասիկ` թուրք - ադրբեջանական միության կողմից Հայաստանի հանդեպ հայտարարված պահանջները. Կարեն Ճշմարիտյան Բագրատ Սրբազանի հաջողությունները Եկեղեցունն են, իսկ հնարավոր անհաջողությունները՝ իրենը, անձնապես․ Կ․ Հովհաննիսյան Քյոխի հարցաքննությունը շարունակվում է. նա երրորդ անգամ դատարան կներկայանա․ «Ժողովուրդ» Սրբազանն այցելել է ոտքի կոտրվածք ստացած Կարեն Գևորգյանին «Կարմիրբերետավորները» ծեծելով կոտրել են ցուցարարի ոտքը. հայտարարություն