Բագրատ Սրբազանը նոր զարթոնքի սկիզբ է դրել․ Վահե Սարգսյան

Yerkir.am-ի խմբագիր Վահե Սարգսյանը գրում է․

«4 տարվա մղձավանջների մեջ գտնվելով՝ լիովին հասկանում և ըմբռնումով մոտենում բոլոր նրանց, ովքեր երեկ Սրբազանից ակնկալում էին մի քանի ժամում իշխանափոխություն իրականացնել:

Այդպես ըմբռնումով եմ մոտեցել, երբ հարգարժան շատ մարդիկ նույնը պահանջել են Իշխան Սաղաթելյանից (Ishkhan Saghatelyan), մարդ, ով անցած 4 տարիներին փորձել է քով-քովի բերել պառակտված ընդդիմադիր դաշտը, երկու նախագահներին, համադրել բոլոր ցանկալի ու անցանկալի դեմքերի ու ուժերի, մարդ-կուսակցությունների, իրենց փրկիչ երևակայողների, իրենց նախարարացու ու վարչապետացու կարծող ինքնահավանների ներուժը՝ լավ իմանալով, որ ամեն մի կաթիլը կարող է նպաստել հեղեղի առաջացմանը:

Գիտեմ՝ ինչ աննորմալ աշխատանք է դա, գործ, որն ունի հազար տեր ու շահառու՝ հաղթանակի դեպքում, ինքնասպանության հավասար վտանգ՝ չհաջողելու դեպքում:

Գիտեմ ինչպիսի ծանր բեռի ու պատասխանատվության տակ է մտել Բագրատ Սրբազանը, և Բարձրաշնորհ Սրբազան Հոր լուսավոր հայտնությամբ ու նրա շուրջ անմնացորդ կոնսոլիդացիայով պետք է փաստել հետևյալը.

- անցած 4 տարվա պայքարը եղել է ոչ թե հանուն անձերի, այլ գաղափարի ու մասնատվող հայրենիքի փրկության: Ըստ այդմ՝ անցած 4 տարիներին ով ամենաչնչին հնարավորություն է ունեցել առաջնորդելու պայքարը՝ որևէ խնդիր չի եղել, որպեսզի իր շուրջ լինի համախմբումը, սկսած պատկառելի ճանապարհ անցած Վազգեն Մանուկյանից, մինչև հանրային դրական ընկալում ունեցող երիտասարդ գործիչներ: Ցավոք, շատերը հրաժարվել են մտնել այդ բեռի տակ:

- Բագրատ Սրբազանը մինչ այս պահը հսկայական աշխատանք է տարել, նա նոր զարթոնքի սկիզբ է դրել, ապացուցել, որ Նիկոլ Փաշինյանի իշխանությունը չունի հանրային աջակցություն, իսկ հայ ժողովրդի մեջ չեն կարողացել սպանել պատիվն ու հայրենիքը,

- լինելով հմուտ քարոզիչ՝ Բարձրաշնորհ Սրբազան Հայրը անցած օրերին ուղղակիորեն ջարդել է իշխանության գլխավոր հենարանի հիմքերը՝ այն բոլոր կեղծ թեզերն ու արգումենտները («իշխանակռիվ», «եթե չտանք՝ պատերազմ կլինի» և այլն), որոնցով Փաշինյանի խունտան մշտապես կարողացել է մոլորեցնել, սպառնալ ու շարունակել մնալ աթոռին:

Այժմ բոլորիս խնդիրը պետք է լինի ոչ թե վհատվել ու քննադատել, այլ գերլարված ջանքերով, նախորդիվ թույլ տված բացթողումները վերլուծելով՝ ամեն մեկս օրական մի քար պիտի դնենք Սրբազանի կողմից բարձրավող հույսի ու հավատի պատին:

Շատ դժվարին օրեր են սպասվում մեզ, բայց այլ ուղի չկա, եթե չենք ուզում, որ հայոց քաղաքակրթության ընթացքը ավարտվի մեր իսկ աչքի առջև»:

Այս թեմայով ՈՒՂԻՂ․ Բագրատ Սրբազանն այցելել է Իրանի դեսպանատուն աղետալի ավիավթարի առիթով Ինչու Սրբազանը․ ում թեկնածություններն են քննարկվել․ «Հրապարակ» «Երկու ձև կար Կիրանց մտնելու․ մեկը՝ հրեշտակի թևով, մյուսը՝ ոստիկանության համագործակցությամբ․ Ընտրեք՝ որն է ձեզ հարմար»․ Բագրատ Սրբազանը` Տավուշի ոստիկանապետին ՀԻՄԱ. Բագրատ Սրբազանն ամփոփում է օրը Ապագա բառը լավ բառ է, բայց կքննարկենք մեր գալիքի տեսլականը․ Սրբազանը՝ կրթության ոլորտի մասնագետներին ՀԻՄԱ. Բագրատ Սրբազանի հանդիպումը կրթության, գիտության ոլորտի մասնագետների հետ Ալմա-Աթայի սկզբունքը նմանեցնում եմ Մյունխենյան սկզբունքի. նման բան գոյություն չունի. Սերժ Սարգսյան (տեսանյութ) Մենք կսատարենք այն թեկնածուին, որին կառաջադրի Սրբազանը. Սերժ Սարգսյան (տեսանյութ) Վերադառնալու որևէ ցանկություն չունենք. մեզ իշխանություն չի պետք, այլ իշխանափոխություն. Սերժ Սարգսյան Ժամանակին կհանդիպեմ բոլորի հետ. Սրբազանը՝ նախկին նախագահների մասին (տեսանյութ)