Տեղի է ունեցել արտադպրոցական հաստատությունների մանկավարժների կամավոր ատեստավորումը

Այսօր տեղի է ունեցել արտադպրոցական ուսումնական հաստատությունների մանկավարժական աշխատողների կամավոր ատեստավորումը՝ մշակույթի ուղղությամբ դասավանդողների համար։

Մայիսի 18-ին անցկացված ատեստավորման գործընթացին հետևելու նպատակով ՀՀ կրթության, գիտության, մշակույթի և սպորտի նախարարի տեղակալներ Արաքսիա Սվաջյանը և Դանիել Դանիելյանն այցելել են Երևանի թիվ 155, 135, 6 հիմնական և թիվ 190 ավագ դպրոցներում գործող քննական կենտրոններ։

«Նախարարի տեղակալները շրջել են քննական կենտրոններում, զրուցել ատեստավորմանը մասնակցող մանկավարժների հետ՝ նրանց մաղթելով հաջողություն։ Երևանի թիվ 135 դպրոցի քննական կենտրոնում 89 հայտագրվածից ներկա է եղել 67֊ը, թիվ 155 դպրոցի քննական կենտրոնում՝ 120 հայտագրվածից 110֊ը, Երևանի թիվ 6 դպրոցում 84֊ից` 72֊ը, իսկ թիվ 190 ավագ դպրոցում՝ 95֊ից 92֊ը։

Ընդհանուր 388 հայտագրվածից կամավոր ատեստավորման գիտելիքի ստուգման քննությանը ներկայացել է 341֊ը։

Մայիսի 18-ի կամավոր ատտեստավորումն իրականացվել է հետևյալ ուղղություններով՝

Դաշնամուր (2-րդ խումբ), սոլֆեջո, երաժշտական գրականություն (երաժշտության բաժին), երաժշտական գրագիտություն (պարարվեստի, թատերարվեստի բաժին) Քանոն, թառ, ուդ, քամանչա, դհոլ, ջութակ, թավջութակ, դուդուկ, սրինգ, բլուլ, շվի։

Կերպարվեստի հիմունքներ և նկարչություն, գծանկար, գունանկար, կոմպոզիցիա, քանդակ, ծեփագործություն, կիրառական արվեստի հիմունքներ, գորգագործություն, կարպետագործություն, գոբելեն, խեցեգործություն, ասեղնագործություն, տիկնիկագործություն։

Վաղը՝ մայիսի 19-ին, տեղի կունենա սպորտի ուղղությամբ դասավանդող մարզիչների կամավոր ատեստավորումը»,-ասված է ԿԳՄՍՆ հաղորդագրության մեջ։

Այս թեմայով Մեղմ է ասված, որ քաղաքացիների նկատմամբ բիրտ ուժ է կիրառվել, իսկ ձերբակալություններն ակնհայտորեն անհիմն են․ Փաստաբանը՝ ԱԳՆ շենքի մոտ տեղի ունեցածի մասին ՄԻՊ-ն այցելել է հեղեղումներից տուժած բնակավայրեր, առանձնազրույցներ ունեցել 50 բնակիչների հետ Տեղի է ունեցել օպերատիվ շտաբի նիստը․ Գնել Սանոսյանի նոր հանձնարարականները Փարաքար համայնքում այսօր տեղի ունեցածը ոչ այլ ինչ էր, քան իշխանազավթման հերթական դրսևորում. «Ապրելու երկիր» ՔՊ վարչության նիստ է տեղի ունեցել. Թաթուլ Բաղդասարյանը հեռացվել է կուսակցությունից ԱԳ նախարարը հեռախոսազրույց է ունեցել Իրանի ԱԳ նախարարի պարտականությունները կատարող Ալի Բաղերի Քանիի հետ Պետական արարողակարգի պատասխանատուին տեղեկացվել է Վեհափառի այցի ժամի մասին, ուստի Սարդարապատում տեղի ունեցածն իշխանությունների կազմակերպած սադրանքն էր. Տեր Եսայի քահանա Արթենյան Պապիկյանը քննարկումներ է ունեցել Շվեդիայի, Բուլղարիայի, Հունաստանի, Կիպրոսի և Վրաստանի նախարարների հետ Ռուսաստանի հայերի միության հայտարարությունը՝ Սարդարապատում տեղի ունեցած միջադեպի կապակցությամբ Կիպրոսի ԱԳ նախարարությունը ցավակցել է Հայաստանում տեղի ունեցած ջրհեղեղի զոհերի ընտանիքներին