Բրիտանական հրատարակչությունը լույս է ընծայել «Ժամանակակից 6 հայ բանաստեղծներ» երկլեզու ժողովածուն

ՀՀ մշակույթի նախարարության աջակցությամբ, «Arc Publications» բրիտանական նշանավոր հրատարակչությունը, «Երևանը՝ գրքի համաշխարհային մայրաքաղաք» ծրագրի շրջանակում՝ «Նոր ձայներ Եվրոպայից և այն կողմ» մատենաշարով հրատարակել է «Ժամանակակից վեց հայ բանաստեղծներ» երկլեզու /անգլերեն, հայերեն/ ժողովածուն: Գրքում ընդգրկված են Հրաչ Սարուխանի, Խաչիկ Մանուկյանի, Անատոլի Հովհաննիսյանի, Ազնիվ Սահակյանի, Վիոլետ Գրիգորյանի, Հասմիկ Սիմոնյանի ստեղծագործությունները: Հրատարակիչների մասնակցությամբ ժողովածուն կազմել է Ռազմիկ Դավոյանը, թարգմանիչն է Արմինե Թամրազյանը: Գրքի շապիկը ձևավորված է Մինաս Ավետիսյանի հեղինակած գեղանկարով:

Ս. թ. ապրիլի 12-ին, ժամը 12:30-ին ՀՀ Ազգային Ժողովի սրահում տեղի կունենա «Ժամանակակից վեց հայ բանաստեղծներ» երկլեզու ժողովածուի շնորհանդեսը: