Դիմադրության շարժումը շուտով թույլ կտա ազատվել այս արհավիրքից՝ ի դեմս գործող իշխանության. Աղվան Վարդանյան

Սկսված դիմադրության շարժումը շուտով կազատվի այս արհավիրքից։ Այս մասին նոյեմբերի 17-ին լրագրողների հետ հանդիպմանն ասաց «Հայաստան» դաշինքի պատգամավոր Աղվան Վարդանյանը։

Նրա խոսքով՝ Հայաստանի ներկայիս իշխանությունները միայն արյուն, ավերածություններ, քաոս ու պառակտում են բերում։

«Մենք վերադառնում ենք 44-օրյա պատերազմի վիճակին, երբ ամբողջ պետական ապարատը զբաղված էր ապատեղեկատվություն տարածելով։ «Հայկական ժամանակ» թերթը գրել է 10 զոհի մասին, Էդուարդ Աղաջանյանն ասել է 15 զոհի մասին, պաշտոնապես հաղորդվել է մեկ զոհվածի մասին։ 13 հայ զինծառայող գերի է ընկել (մինչդեռ պաշտոնական աղբյուրները չեն նշում, թե որտեղ են գերի ընկել), 24 անհետ կորած զինծառայողներ եւ կորցրած դիրքեր։ Այս ֆոնին վարչապետի աթոռը զբաղեցնող անձը երեկ խոսում էր պետականության մասին, այն դեպքում, երբ այս մարդը ավերեց այն եւ նսեմացրեց Հայաստանի ինքնիշխանությունը՝ երկիրը միջազգային հարաբերությունների սուբյեկտից վերածելով օբյեկտի»,- ասաց պատգամավորը։

Քանի դեռ գործող ռեժիմը իշխանության գլուխ է, պետությունը կորուստներ է կրելու, ընդգծեց պատգամավորը։

Նիկոլ Փաշինյանի այն խոսքերը, թե նա, ով կրակելու հրաման չի տվել, դավաճան է, Աղվան Վարդանյանը հերթական մանիպուլյացիա անվանեց։

«Երբ մայիսին հայկական դիրքերը գրավեցին, քանի՞ հոգի են պատասխանատվության ենթարկվել դրա համար»,- հարցրեց նա։

Հիշեցնենք, որ «Հայաստան» դաշինքը բոյկոտեց Ազգային ժողովում խորհրդարանի նիստն ու կառավարության ժամը։