Եմենցի միլիարդատիրոջ որդին 15 տարի անց խոստովանել է, որ կապ ունի ուսանողուհու մահվան հետ
Всемирная пресса
Եմենցի միլիարդատեր որդին՝ Ֆարուք Աբդուլհաքը, խոստովանել է, որ կապ ունի 2008 թվականին ուսանողուհի Մարտինա Վիկ Մագնուսենի մահվան հետ։ Այս մասին հայտնում է BBC-ն։
Ֆարուքի խոսքով՝ աղջիկը մահացել է իր հետ սեքսի ժամանակ դժբախտ պատահարի արդյունքում, տղամարդը որպես պատճառ նշել է կոկաինը։
Մարտինայի կիսամերկ մարմինը հայտնաբերվել էր աղբի կույտի տակ՝ այն տան նկուղում, որտեղ ապրում էր Աբդուլհաքը՝ Լոնդոնի Ռիջենթս բիզնես դպրոցում սովորելու ժամանակ։ Այդ ժամանակ տղամարդն արդեն հասցրել էր թռչել տուն։ Երկու օր առաջ նրանց միասին տեսել էին ակումբում։
Աղջկա մարմնի վրա հայտնաբերվել էր 43 կտրվածք և քերծվածք, ինչպես նաև խեղդամահության հետքեր։ Մեծ Բրիտանիայում Ֆարուքը մեղադրվում է ուսանողուհու բռնաբարության և սպանության մեջ։
«Չեմ կարծում, որ արդարությունը կհաղթի: Կարծում եմ, որ այնտեղ (Մեծ Բրիտանիայում - խմբ․) քրեական արդարադատության համակարգը խիստ կողմնակալ է։ Կարծում եմ՝ նրանք կցանկանան ինձ ներկայացնել որպես արաբի որդի, հարուստի որդի… արդեն ուշ է»,- ասել է Ֆարուքը լրագրողին:
Ֆարուքի հայրը՝ Շահեր Աբդուլհաքը, ով մահացել է 2020թ., Shaher Trading-ի հիմնադիրն է։
Самое популярное 
Одежда, телефон, личные вещи есть, а ее нет: с ночи 31 мая ищут композитора Анаит Мнацаканян
