Twitter-ի նոր լոգոտիպի տեղադրումը վտանգավոր է համարվել քաղաքի բնակիչների համար
Всемирная пресса
ԱՄՆ Սան Ֆրանցիսկո քաղաքը հետաքննություն է սկսել X-ի (նախկինում՝ Twitter- խմբ.) նկատմամբ՝ ընկերության գլխամասային գրասենյակի տանիքին X-աձև մետաղական կոնստրուկցիայի պատճառով։ Այս մասին հայտնում է Associated Press գործակալությունը։
Նոր ցուցանակը տեղադրվել է ընկերության շենքի վրա ուրբաթ օրը (28.07.2023թ.)՝ որպես Twitter-ի վերաբրենդինգ X-ի: Սան Ֆրանցիսկոյի պաշտոնյաները կարծում են, որ նոր դիզայնը կարող է վտանգ ներկայացնել քաղաքի բնակիչների համար: Նախքան ցուցանակը տեղադրելը՝ ընկերությունը պետք է ադմինիստրացիայի հետ համաձայնեցներ դրա ձևն ու ամրացման եղանակը։
«Տառերի կամ նշանների ցանկացած փոխարինում պահանջում է ընթացակարգի համապատասխան թույլտվություն: Սա պետք է ապահովի, որ նոր ցուցանակը համապատասխանի շենքի պատմական բնույթին և ապահով ամրացման չափանիշներին»,- ասել է Սան Ֆրանցիսկոյի շենքերի տեսչական բաժնի ներկայացուցիչ Պատրիկ Հանանը։
AP-ն հայտնում է, որ X-աձև նշանի դեպքն առաջինը չէ, երբ Իլոն Մասկի ընկերությունը գրավում է քաղաքային վարչակազմի ուշադրությունը։ Նախօրեին Սան Ֆրանցիսկոյի ոստիկանությունը կանգնեցրել էր աշխատողներին, որոնք ապամոնտաժում էին Twitter-ի ցուցանակը, քանի որ շենքի մոտ գտնվող հետիոտնային տարածքը պատշաճ կերպով պաշտպանված չէր։
Самое популярное 
Архиепископ: Алиев с включенной в машине песней «Нолду Пашинян» разъезжает по Арцаху
