Իշխանական կուլուարներում քննարկվում է Վահե Ղազարյանի պաշտոնանկության հարցը
Аналитический
ՆԳՆ ձևավորումից հետո թվում էր, թե ուժային համակարգը կվերաֆորմատավորվի և ոստիկանության աշխատակիցներից հանրության և իրավապաշտպանների բողոքները զգալիորեն կկրճատվեն: Սակայն ստացվել է այնպես, որ գործ ունենք հակառակ պատկերի հետ: Երևանում և մարզերում վերջին ամիսներին տեղի ունեցած բողոքի ակցիաները լակմուսի թուղթ էին և ի ցույց դրեցին հանգամանքը, որ ոստիկանության աշխատակիցները շարունակում են կոպտորեն խախտել քաղաքացիների՝ օրենքով սահմանված իրավունքները: Այս մասին խոսել է նաև ՀՀ ՄԻՊ-ը, ում վերլուծությունից պարզ է դառնում, որ ՆԳՆ կազմավորումից հետո արձանագրվել են բազմաթիվ դեպքեր, երբ ոստիկանության ծառայակիցները քաղաքացիներին բերման ենթարկելիս անհամաչափ ուժ են կիրառել: Բազմաթիվ դեպքերում փաստացի արգելանքի վերցնելուց հետո մոտ 1,5 ժամ քաղաքացիների հետ որևէ գործողություն չի կատարվել, ինչն օրենքի կոպիտ խախտում է։ Առանձին դրվագներով էլ քաղաքացիների կողմից ներկայանալուց, վարույթային գործողություններն ավարտելուց հետո են ոստիկանության ծառայողներն անձին ներկայացրել իր իրավունքները, այդ թվում՝ լռելու իրավունքը։ Արձանագրվել են նաև ոստիկանական տրանսպորտային միջոցում արգելանքի վերցված քաղաքացիների և ոստիկանների մասնակցությամբ միջադեպեր, որոնց արդյունքում քաղաքացիների հանդեպ բռնի ուժ է գործադրվել, հնչել են հայհոյանքներ:
Ինչպես տեսնում ենք, Վահե Ղազարյանի ռեֆորմները չեն աշխատում և համակարգում առկա խնդիրները միայն խորանում են: Այս ամենն առաջացրել է անգամ ՔՊ-ականների բողոքի ալիքը․ հիշեցնենք, որ ընդամենը վերջերս ԱԺ ամբիոնից ՔՊ-ական պատգամավոր Զարուհի Բաթոյանը հայտարարել էր, որ Ղազարյանի անոնսված պայքարը՝ թմրանյութերի շրջանառության դեմ, ընդամենը իմիտիացիոն բնույթ է կրում:
Որոշ տեղեկությունների համաձայն՝ Վահե Ղազարյանի գործողություններից անչափ դժգոհ է նաև Արևմուտքը և վարչապետի աշխատակազմում շշուկներ են պտտվում, որ ՆԳ նախարարի՝ պաշտոնին հրաժեշտ տալը հաշված օրերի հարց է: Արևմտյան շրջանակները, որոնք առաջ են մղում ուժային համակարգի ռեֆորմի և այն ժողովրդավարական ստանդարտներին համապատասխանեցնելու օրակարգը, ակնհայտորեն չեն ողջունում Ղազարյանի մեթոդները: Մյուս կողմից էլ հասկանալի է, որ խնդիրը շատ ավելի խորքային է՝ Արևմուտքը ցանկանում է նաև ուժային ոլորտում տեսնել իրեն առավել լոյալ ղեկավարի: Այս պահին Ղազարյանի հավանական հրաժարականն ակտիվորեն քննարկվում է իշխանական կուլուարներում և չի բացառվում, որ արևմտյան վեկտորին անթաքույց հարած Փաշինյանը ևս մեկ ռևերանս անի Արևմուտքին՝ այս անգամ էլ պաշտոնից ազատելով Վահե Ղազարյանին:
Самое популярное 
ЕС ввел санкции в отношении командования Вооруженных сил Ирана
