Ավտովթար՝ Արմավիրի մարզում․ բախվել են Mercedes-ներն ու «07»-ը. կա վիրավոր

Чрезвычайный случай 11 Февраль, 2024 18:35

Փետրվարի 9-ին ավտովթար է տեղի ունեցել Արմավիրի մարզում։ Ժամը 17։00-ի սահմաններում Մյասնիկյան-Արմավիր ավտոճանապարհի 1-ին կմ հատվածում բախվել են Արմավիրի մարզի բնակիչներ 58-ամյա Գրիգոր Գ․-ի վարած Mercedes մակնիշի, 22-ամյա Արարատ Զ․-ի վարած «ՎԱԶ 2107» մակնիշի և 19-ամյա Սիմոն Հ․-ի վարած Mercedes մակնիշի ավտոմեքենաները։

Ինչպես հայտնում է shamshyan.com-ը, վթարի հետևանքով Սիմոն Հ․-ն մարմնական վնասվածքներով տեղափոխվել է «Արմավիր» բժշկական կենտրոն։ Վարորդներին ու վիրավորին առաջինն օգնության են հասել քաղաքացիները և օպերատիվորեն ժամանած «Արմավիր» բժշկական կենտրոնի շտապօգնության բժիշկների հերթապահ խումբը։

Դեպքի վայր են ժամանել ՀՀ Ներքին գործերի նախարարության ոստիկանության պարեկային ծառայության Արմավիրի մարզի գումարտակի 2-րդ վաշտի պարեկները՝ գումարտակի հրամանատար Ղարիբ Գրիգորյանի, վաշտի հրամանատար Մանուկ Սարգսյանի գլխավորությամբ։

Տեղում տարածքը սահմանազատել են նույն վաշտի ավագ պարեկ Արայիկ Աբդոյանն ու կրտսեր պարեկ Սևակ Վարդանյանը։ Դեպքի վայր են ժամանել նաև ոստիկանության Բաղրամյանի բաժնի հերթապահ խումբը՝ օրվա պատասխանատու հերթապահի գլխավորությամբ։

Վթարի փաստով ՊԾ Արմավիրի մարզի գումարտակում փաստաթղթեր են ձևակերպվել, որոնք փոխանցվել են Հայաստանի Քննչական կոմիտեի Արմավիրի մարզային քննչական վարչություն։

По теме

Президент Казахстана приехал на встречу с Путиным на Mercedes вместо Aurus