Մեքսիկայի քաղաքներում անձրևների հետևանքով կոկորդիլոսներ են վխտում
ԱշխարհՄեքսիկայի տարածքով անցած «Ինգրիդ» և «Մանուել» տարերային աղետների հետևանքով երկրի մի շարք քաղաքների փողոցներում վխտում են կոկորդիլոսները:
Տամաուլիպաս նահանգի քաղաքային զարգացման և շրջակա միջավայրի պաշտպանության նախարարության տեղեկությւոններով` արդեն 30 կոկորդիլոս է վնասազերծվել, որոնցից յուրաքանչյուրը կշռում է 250 կգ և ունի 3.5 մետր երկարություն: Կոկորդիլոսների համար տարերային հորդառատ անձրևները ճանապարհ են բացել մարդկային բնակարաններին մոտենալու համար, քանի որ ջրի բարձր մակարդակը բարենպաստ պայմաններ է ստեղծում այդ կենդանիների համար:
Իշխանությունները լրջորեն անհանգստացած են մարդկանց վրա այդ կենդանիների հնարավոր հարձակումներից:
Հիշեցնենք, որ «Ինգրիդ» և «Մանուել» փոթորիկները միաժամանակ վրա էին հասել Մեքսիկայի ափերին Ատլանտյան և Խաղաղ օվկիանոսների տարածքից: Վերջին տվյալների համաձայն` նրանք խլել են 139 մարդու կյանք: Վիրավորների քանակը հասնում է 35-ի, իսկ անհետ կորածները 53-ն են: