Մահացել է Բարաք Օբամայի «Զեյթունի հորաքույրը»
ԱշխարհԱպրիլի լույս 8-ի գիշերը մահացել է ԱՄՆ-ի նախագահ Բարաք Օբամայի հորաքուրը՝ 61-ամյա Զեյթունի Օնյանգոն: Տարեց կինը մահացել է քնած ժամանակ: Այդ մասին հաղորդել է Reuters-ը՝ վկայակոչելով Բոստոնի ծերանոցի աշխատակցին:
Զեյթունի Օնյանգոն Օբամայի հոր արյունակից քույրն է: Նա Քենիայից ԱՄՆ է տեղափոխվել 2000 թվականին, իսկ 2002-ին քաղաքական ապաստան է խնդրել իր հայրենիքում ստեղծված բարդ քաղաքական իրադրության պատճառով: Նրա խնդրանքը մերժվել է, բայց կինը շարունակել է ձգտել ձեռք բերելու փախստականի կարգավիճակ: 2010 թվականին Բոստոնում ներգաղթյալների գործերով դատավորը բավարարել է նրա խնդրանքը: Օնյանգոն ստացել է կեցության վկայագիր և աշխատանքի թույլտվություն:
Հայրենիքում Օնյանգոն աշխատում էր ծրագրավորող, իսկ ԱՄՆ-ում վաստակում էր դասավանդմամբ և իրավաբանական խորհրդատվություններով:
Նախագահ Օբաման շատ ջերմ էր վերաբերվում իր հորաքրոջը՝ ինքնակենսագրական գրքում նրան անվանելով «հորաքույր Զեյթունի»: Հենց նրանից է նա շատ բան իմացել իր հոր մասին, որին վերջին անգամ տեսել է տասը տարեկանում: