Փակվել է Բաղդադի կենտրոնական բանտը
ԱշխարհԻրաքը փակել է Բաղդադի կենտրոնական բանտը, որը նախկինում կրել է «Աբու Ղարիբ» անվանումը: Այս մասին ապրիլի 15-ին հայտարարել է Իրաքի արդարադատության նախարար Հասան Շաբրին՝ ավելացնելով, որ բոլոր 2400 բանտարկյալներին տեղափոխել են այլ բանտեր: Նրանք բոլորը ձերբակալվել են ահաբեկչություններ իրականցնելու պատճառով:
Նախարարի խոսքով` բանտը փակվել է անվտանգության նկատառումներից ելնելով, քանի որ գտնվում է թեժ գոտում:
«Աբու Ղարիբ» բանտը հեղինակություն ուներ նաև Սադամ Հուսեյնի իշխանության ժամանակ: