«Կառավարությունը հակված է կասեցնելու տույժերի հաշվարկը». Փաստինֆո
ՔաղաքականՀՀ նորանշանակ վարչապետ Հովիկ Աբրահամյանը հանձնարարել է շահագրգիռ պետական մարմիններին սեղմ ժամկետներում նախապատրաստել օրենքի նախագիծ, որով մինչև Սահմանադրական դատարանի 2014 թվականի ապրիլի 3-ի որոշմամբ` նախատեսված «Կուտակային կենսաթոշակների մասին» օրենքի վերաբերյալ օրենսդրական փաթեթի ընդունումը Ազգային ժողովի կողմից կկասեցվի տույժերի հաշվարկը: Այս մասին «Փաստինֆո»-ն տեղեկացավ կառավարությունից:
Վարչապետը այս հանձնարարականը տվել է կառավարության նիստից հետո կայացած խորհրդակցության արդյունքում:
Կայքի աղբյուրի փոխանցմամբ, կառավարությունը պատրաստվում է առաջարկել նշված օրենքի նախագիծը քննարկել Ազգային ժողովի ապրիլի 28-ին մեկնարկող քառօրյա նիստի ընթացքում: