ԵԿԲ-ի նախագահը ամենաբարձր վարձատրվող պաշտոնյան է ԵՄ-ի հաստատությունների ղեկավարների շրջանում
ԱշխարհԵվրոպայի կենտրոնական բանկի (ԵԿԲ) նախագահ իտալացի Մարիո Դրագին ամենաբարձր վարձատրվող պաշտոնյան է Եվրամիության ինստիտուտների ղեկավարների շրջանում, որի ամսական աշխատավարձը կազմում է 31 հազար 177 եվրո: Ապրիլի 18-ին հաղորդել է բելգիական La Derniere Heure թերթը:
Հրատարակության տվյալներով՝ աշխատավարձի մակարդակով Դրագիին հաջորդում են Եվրոպական խորհրդի նախագահ բելգիացի Հերման վան Ռոմպյոյը, Եվրոպական դատարանի նախագահ հույն Վասիլիոս Սկուրիսը և Եվրահանձնաժողովի նախագահ պորտուգալացի Ժոզե Մանուել Բառոզուն: Նրանցից յուրաքանչյուրին ամսական վճարվում է 16-հազարական եվրո:
Եվրախորհրդարանի ղեկավար գերմանացի Մարտին Շուլցն ունի վեհաժողովի մյուս անդամների հետ հավասար աշխատավարձ, որը կազմում է շուրջ 8 հազար եվրո:
La Derniere Heure թերթը նշում է, որ ԵԿԲ-ի նախագահի վարձատրությունը 21 տոկոսով գերազանցում է Գերմանիայի ֆեդերալ կանցլեր Անգելա Մերկելի աշխատավարձը, որն ամենաբարձրն է Եվրամիության 28 երկրների պետությունների ու կառավարությունների ղեկավարների շրջանում: Նրա ամսական դրույքը կազմում է մոտավորապես 25 հազար եվրո, հաղորդել է ԻՏԱՌ-ՏԱՍՍ-ը: