Մանուչարյանի վաստակած 11 մետրանոցը և «Ուրալի» հաղթանակը (տեսանյութ)

Ռուսաստանի առաջնության 29-րդ տուրում Եկատերինուրգի «Ուրալը» սեփական հարկի տակ ընդունել էր «Կուբանին»: Հանդիպումն ավարտվեց դաշտի տերերի հաղթանակով` 2:1 հաշվով:

Հանդիպման առաջին րոպեներից «Ուրալի» կազմում խաղադաշտ է դուրս եկել Հայաստանի հավաքականի հարձակվող Էդգար Մանուչարյանը:

Հանդիպման 25-րդ րոպեին Հայաստանի հավաքականի հարձակվողի նկատմամբ տուգանային հրապարակում խախտման համար հանդիպման մրցավարը 11 մետրանոց նշանակեց: Խերսոն Ասևեդոն դիպուկ իրացրեց 11 մետրանոցը:

«Կուբանի» ֆուտբոլիստները բաց թողած գոլից հետո նետվեցին առաջ և շատ արագ կարողացան վերականգնել հաշվի հավասարակշռությունը: 36-րդ րոպեին Իգնյատևին հաջողվեց խփել պատասխան գնդակը: Հանդիպման ավարտից 7 րոպե առաջ Եկատերինբուրգի թիմին հաջողվեց հաղթանակ տոնել. մրցակցի դարպասը երկրորդ գնդակն ուղարկեց Դենիս Դորոժկինը: