Շարմ Էլ Շեյխի մերձակայքում ճանապարհատրանսպորտային պատահարի զոհերի թիվն աճել է մինչև 40-ի
ԱշխարհԵգիպտոսի Սինայի թերակզու հարավում՝ Շարմ Էլ Շեյխի մերձակայքում, տեղի ունեցած ավտոաղետի զոհերի թիվն աճել է մինչև 40: Տարբեր աստիճանի վնասվածքներ է ստացել 41 մարդ:
Ինչպես հաղորդում են տեղական լրատվամիջոցները, առողջարանային քաղաքից 50 կիլմետր հեռավորության վրա ամայի մայրուղում բախվել է երկու ավտոբուս, մեքենաներից մեկը շրջվել է:
Ինչպես հաղորդել է Հարավային Սինայի նահանգի «շտապօգնության» ծառայության տնօրեն Խալեդ Հաշեմը, տուժածների թվում է օտարերկրացի չորս քաղաքացի. Ուկրանիայի մեկ քսանամյա քաղաքացի, Սաուդյան Արաբիայի երկու կին՝ երկամյա երեխայի հետ և մեկ եմենցի: Ինչպես հաղորդում է itar-tass-ը, նրանց տեղափոխել են Շարմ Էլ Շեյխի միջազգային հոսպիտալ: