Թուրքիայում քրդերի զանգվածային գերեզման է հայտնաբերվել. Demokrathaber
Համաշխարհային ՄամուլՎանի նահանգի Չաթաքի շրջանի Գյորենթաշ բնակավայրի մոտ հայտնաբերվել է 1998 թվականի դեկտեմբերի 12-ին թուրքական զինված ուժերի հետ բախումներում զոհված 26 քրդերի ընդհանուր գերեզմանը: Այն բացվել է Մարդու իրավունքների եվրոպական դատարանի վճռով:
Ինչպես հաղորդում է «Արմենպրես»-ը' վկայակոչելով թուրքական demokrathaber.net լրատվական կայքը, թեմայի հետ կապված փաստաբան Թուրան Էջեն, նաև ում ջանքերի շնորհիվ է բացվել գերեզմանը, հայտարարել է, որ հետամուտ են լինելու 17 հազար քրդերի նման կերպ սպանվելու և զանգվածաբար թաղված գերեզմանները հայտնաբերելու, բացելու գործին:
«Մենք այս գործով առաջին դիմումը ՄԻԵԴ հղել ենք 2011 թվականին: Մեր միակ նպատակը զոհվածների ոսկորները նրանց ընտանիքներին վերադարձնելն է»,- ասել է փաստաբանը: