Ողբերգական ավտովթար՝ Արարատի մարզում. երիտասարդ վարորդը տեղում մահացել է
Արտակարգ ՊատահարՕգոստոսի 22-ին, ժամը 14.17-ին տեղեկատվություն է ստացվել, որ Արարատի մարզի Երասխ գյուղի մոտակայքում տեղի է ունեցել ՃՏՊ. կողաշրջվել է «ԿամԱԶ» մակնիշի ավտոմեքենա. անհրաժեշտ է փրկարարների օգնությունը:
Դեպքի վայր է մեկնել ՀՓՋ-ի ՕԽ-ն:
Պարզվել է, որ Մ-2 միջպետական ավտոճանապարհի Երասխ-Պարույր Սևակ հատվածի 3-րդ կմ-ին դեռևս չբացահայտված հանգամանքներում «ԿամԱԶ» մակնիշի 34 AS 974 պ/հ ավտոմեքենան դուրս է եկել ավտոճանապարհի երթևեկելի հատվածից և շրջվել ձորակը:
Վարորդ Ա. Խ.-ն (ծնվ. 1987թ.) տեղում մահացել է:
Հրշեջ-փրկարարները վարորդի դին մոտեցրել են շտապօգնության ավտոմեքենային: