Սիրիայում ԻՊ-ի դեմ ցամաքային գործողությունները պետք է համաձայնեցվեն Դամասկոսի հետ
ԱշխարհՄոսկվայում Սիրիայի դեսպան Ռիադ Հադդադը հայտարարել է, որ ԱՄՆ-ի և այլ պետությունների հնարավոր ցամաքային գործողությունները «Իսլամական պետության» գրոհայինների դեմ, անհրաժեշտ է համաձայնեցնել երկրի իշխանությունների հետ: Այս մասին հայտնել է ՌԻԱ «Նովոստին»:
«Չի թույլատրվում նման գործողություններն իրականացնել առանց Սիրիայի համաձայնության: Մենք չենք կարող կանխատեսել, թե ինչ կլինի, բայց ես համոզված եմ Սիրիայի ինքնիշխանության և դաշնակիցների հետ համակարգման անհրաժեշտության մեջ նման գործողության իրականացման հարցում, եթե անհրաժեշտ լինի»,- ասել է Հադդադը:
Դեսպանի տված հայտարարության համաձայն, Դամասկոսը սատարում է օրենքի շրջանակներում ԻՊ-ի դիրքերին հասցրած հարվածները և հետաքրքրված է, որ ԱՄՆ կոալիցիայի և մի շարք արաբական երկրների ավիահարվածները Սիրիայի տարածքում դուրս չգան նշված նպատակների շրջանակներից:
«Մենք շահագրգռված ենք, որ այդ հարձակումները դուրս չգան նշված նպատակների շրջանակներից: Մենք կասկածներ ունենք, քանի որ կոալիցիայի մասնակից որոշ երկրներ նախկինում զբաղվել են գրոհայինների ֆինանսավորմամբ և իրենց համար սահմաններ էին բացում», -ասել է դեսպանը:
Ավելի վաղ ԱՄՆ իշխանությունները Դամասկոսին տեղեկացրել են, որ երեք տարվա ընթացքում ավիահարվածներ կհասցնեն Սիրիայում «Իսլամական պետության» դիրքերին: