Սիրիայի ներքաղաքական զարգացումները մեծ հարված են հասցրել հայկական համայնքին։ Այն սիրիահայերը, ովքեր դեռ ամիսներ առաջ տատանվում էին՝ հեռանալ երկրից, թե ոչ, այժմ միանշանակ որոշում են կայացնում հեռանալու օգտին։ Որոշ բնակավայրերում հայերի թիվը խիստ նվազել է կամ հավասարվել զրոյի։

Ամենացավալին այն փաստն է, որ Հայաստանի Հանրապետությունը որևէ քայլ չի ձեռնարկում այդ հայերին հայրենիք բերելու։ Ընդհակառակը՝ Հայաստանը բարենպաստ պայմաններ չի ստեղծում ոչ միայն ներգաղթի, այլև սփյուռքահայ ուսանողների՝ հայրենիքում ուսում ստանալու համար։

Հիշեցնենք, որ Մերձավոր Արևելքում նախկինում ամենամեծ և կենսունակ՝ Լիբանանի գաղութը գրեթե երկու երրորդով դատարկվել էր Լիբանանի քաղաքացիական պատերազմի հետևանքով, իսկ Իրանի հայ համայնքը խիստ կրճատվել էր Իսլամական հեղափոխությունից հետո։