«Հրապարակ». Մանրամասներ` Սարգսյան-Ծառուկյան հանդիպումից
Հայկական ՄամուլՀՀԿ գործադիր մարմինն այս շաբաթ նիստ չի գումարի։ «ԳՄ նիստերը հրավիրում է ՀՀԿ ղեկավարը՝ կախված նպատակահարմարությունից և իր ծանրաբեռնվածությունից»,- ասացին ՀՀԿ գրասենյակից, որի միջանցքներում շարունակվում է Սարգսյան-Ծառուկյան հանդիպման մանրամասների քննարկումը։ Գրում է «Հրապարակ»-ը:
Ըստ ծերերի՝ հանդիպման «քավորն» է եղել Հովիկ Աբրահամյանը, որը նախորդ ԳՄ-ում ծերերին բացատրել է, որ եռյակն իր հրաժարականն է պահանջում և ոչ նախագահի։ Ծառուկյանն էլ իր հերթին շտապել է ներկայանալ նախագահին՝ հավաստելու սույն հանգամանքը, ինչպես նաև հայտնելու ԲՀԿ լոյալությունն ու սերը «նախագահ ջանի» նկատմամբ՝ մասնավորապես, մանավանդ որ մեկ շաբաթ հետո Հովիկ Արգամիչը պետք է խորհրդարանի դատին ներկայացներ 2015թ. բյուջեն։
Հիշեցնենք, որ նախորդ՝ 2014թ. բյուջեի քննարկումների ժամանակ ԲՀԿ-ն և յուր սատելիտները քարը քարին չթողեցին Տիգրան Սարգսյանի կառավարության կազմած փաստաթղթից։ Ծերերը կարծում են, որ որքան էլ ԲՀԿ-ն ու Ծառուկյանն «անկոտրում» են սահմանադրական բարեփոխումների հարցում, այնուհանդերձ Սերժ Սարգսյանին կհաջողվի «լայն կոնսոլիդացիա» ապահովել՝ նաև ԲՀԿ-ի մասնակցությամբ, այլապես շատ հարցեր կառաջանան հենց ԳՄ-ի ներսում:
Շարունակությունը՝ թերթի այսօրվա համարում