Երկնագույն ադամանդը մեկ կարատի գնի ռեկորդ է սահմանել Նյու Յորքի աճուրդում
ԱյլՀոնկոնգցի հավաքորդն ԱՄՆ-ում կայացած աճուրդում երկնագույն ադամանդը գնել է 32,6 միլիոն դոլարով և սահմանել մեկ կարատի գնի նոր ռեկորդ, տեղեկացնում է «Արմենպրես»-ը: Գնորդը գրեթե 10 կարատ քաշով երկնագույն ադամանդը ձեռք է բերել այն աճուրդում, որը Նյու Յորքում կազմակերպել էր Sotheby's աճուրդային տունը: Ինչպես հայտնել է R euters գործակալությունը՝ վկայակոչելով աճուրդային տան ներկայացուցիչներին, անունը չհայտնած հավաքորդն առաջ է անցել վեց հավակնորդներից և սահմանել 1 կարատի գնի համաշխարհային ռեկորդ:
Նշվում է, որ ադամանդի դիմաց հավաքորդի վճարած գինը գրեթե կրկնապատիկ գերազանցել է թանկարժեք քարի գնահատման արժեքը:
Ավելի վաղ հայտնի է դարձել, որ աշխարհում ամենախոշոր ադամանդը՝ 13,22 կարատ քաշով կոբալտի գույնի տանձաձև «The Blu»-ն, Ժնևում աճուրդով վաճառվել է 24 միլիոն դոլարով, հաղորդել է ՌԻԱ Նովոստին: