«Ժողովուրդ». Հացի արտադրության ծավալներն անցած տարվա համեմատ նվազել են
Հայկական ՄամուլՀացն այն բացառիկ սննդատեսակն է, որի սպառման անկումն ուղղակի կապված է արտագաղթի հետ:
Այսինքն՝ եթե հացի սպառումը նվազել է, ապա նվազել է նաև ՀՀ բնակչությունը: ՀՀ ազգային վիճակագրական ծառայության տվյալների ուսումնասիրությունից «Ժողովուրդ» օրաթերթը պարզեց, որ այս տարի հացի արտադրության ծավալներն անցած տարվա համեմատ նվազել են 1,8 տոկոսով: Այս տարվա ինն ամիսներին արտադրվել է 218 հազար 800 տոննա հաց՝ անցած տարվա 221 հազար 900 տոննայի դիմաց: Հիշեցնենք, որ անցած տարի Հայաստանի մշտական բնակչությունը պաշտոնապես եղել է 3 միլիոն 19 հազար:
Այսինքն՝ եթե հացի 1,8 տոկոսի նվազումը համամասնությամբ տարածենք նաև բնակչության թվի վրա, ապա կստացվի, որ Հայաստանի բնակչությունը վերջին մեկ տարումնվազել է 54 հազար մարդով: Իսկ թե որքանով է իրատեսական այս թիվը, կարծում ենք՝ կարիք չկա մեկնաբանելու:
Շարունակությունը՝ թերթի այսօրվա համարում։