Ամերիկացիները կորցնում են վստահությունն ԱՄՆ-ի քաղաքական համակարգի նկատմամբ. The Wall Street Journal
Համաշխարհային ՄամուլԱմերիկացիների գրեթե 56 տոկոսը համոզված է, որ ԱՄՆ-ի տնտեսական և քաղաքական համակարգերն աշխատում են քաղաքացիների շահերի դեմ: Դա, ինչպես տեղեկացնում է «Արմենպրես»-ը, ցույց է տվել վերջերս կատարված սոցիոլոգիական հարցումը, որը համատեղ անցկացրել են The Wall Street Journal թերթը և NBC News հեռուստաալիքը:
Պետությունից քաղաքացիների օտարանալու զգացումը, գրում է The Wall Street Journal թերթը, ԱՄՆ-ում աճում է 2002 թվականից, երբ ամերիկացիների մեկ երրորդը դժգոհ էր իշխանությունների գործողություններից և, մասնավորապես, պետությունը պահելու ծախսերի սրընթաց աճից: Այսպես, վերջին 12 տարում համերկրային ծախսերի մակարդակը 2 միլիարդ դոլարից (ՀՆԱ-ի 18 տոկոս) բարձրացել է մինչև 4 միլիարդ դոլար (ՀՆԱ-ի ավելի քան 24 տոկոս), որը կառավարությունը պատրաստվում է ծախսելու նոր ֆինանսական տարում:
«Հաշվի առնելով ամերիկյան տնտեսության չափերը՝ Օբամայի կառավարությունը կլինի ամերիկացիների համար ամենաթանկը Երկրորդ համաշխարհային պատերազմի տարիներից: Այդ ժամանակներից ի վեր և մինչ այս պահը պետությունը պահելու ծախսերը չէին գերազանցում համախառն ներքին արդյունքի 20 տոկոսը»,- նշել է նյութի հեղինակը:
Թերթի փորձագետների կարծիքով՝ երկրի քաղաքական և տնտեսական համակարգերի նկատմամբ ԱՄՆ-ի քաղաքացիների վստահության այսպիսի ցածր ցուցանիշներ չեն եղել 1992 թվականից ի վեր, հաղորդել է ՌԻԱ Նովոստի: