Թունիսի թանգարանի վրա հարձակման հետևանքով 20 զբոսաշրջիկ է զոհվել
Աշխարհ
Թունիսում զինված ահաբեկչական հարձակման հետևանքով սպանվել է առնվազն 21 մարդ, այդ թվում՝ 17 օտարերկրացի զբոսաշրջիկ: Այդ մասին հայտարարել է Թունիսի վարչապետ ալ Հաբիբ աս Սիդը, հայտնում է BBC-ն:
Երկրի վարչապետի խոսքով՝ մահացածների թվում կան Իտալիայի, Իսպանիայի, Լեհաստանի և Գերմանիայի քաղաքացիներ, ինչպես նաև երկու թունիսցի, որոնցից մեկը ոստիկանության աշխատակից էր:
Ավելի ուշ, Կոլումբիայի նախագահը հաստատել է այդ երկրի երկու քաղաքացիների մահվան լուրը:
Չորեքշաբթի օրը մարտի 18-ին զինված անձինք ներխուժել են խորհրդարանի մոտ գտնվող «Բարդո» թանգարան և գերի վերցրել զբոսաշրջիկներին: Հակաահաբեկչական գործողությունների ընթացքում երկու ահաբեկիչ է սպանվել: Հարձակման ժամանակ թանգարանում մոտ 100 մարդ է եղել: վիրավորվել է 22 զբոսաշրջիկ և երկու թունիսցի: Այլ տվյալներով զոհերի թիվը կարող է հասնել 50 մարդու:
«Բարդոն» համարվում է Թունիսի ամենամեծ թանգարանը, որտեղ մշտապես մարդաշատ է լինում:
Ամենադիտված 
Մնաս բարյավ. Րաֆֆի Հովհաննիսյան
