Ռուսաստանը երկարաձգել է Ուկրաինայի համար գազի զեղչի գործողության ժամկետը
ԱշխարհՌուսաստանի վարչապետ Դմիտրի Մեդվեդևը երկարաձգել է Ուկրաինայի համար ռուսական գազի մատակարարումների արտոնյալ ռեժիմը: Այս մասին, ինչպես տեղեկացնում է «Արմենպրես»-ը, ասված է ՌԴ-ի կառավարության կայքում հրապարակված որոշման մեջ:
Մատակարարումների արտոնյալ շրջանը երկրարաձգվել է մինչև 2015 թվականի հուլիսի 1-ը: Ըստ որում զեղչատոկոսի չափը չպետք է գերազանցի հազար խորանարդ մետրի դիմաց 100 դոլարը
«Արտահանական մաքսը հաշվարկվում է հետևյալ բանաձևով. հազար խորանարդ մետր գազի դիմաց 333,3 ամերիկյան դոլար և ավելի բարձր գնի դեպքում նվազումը կկազմի 100 ամերիկյան դոլար, 333,3 ամերիկյան դոլարից ցածր գնի դեպքում նվազումը կկազմի այդ գնի 30 տոկոսը»,- ասված է փաստաթղթում:
Մարտի 31-ին Ռուսաստանի նախագահ Վլադիմիր Պուտինը վարչապետ Դմիտրի Մեդվեդևին հաստատել է ռուսական գազի գնումների դեպքում Կիևի համար արտոնյալ ռեժիմի՝ ևս երեք ամսով երկարաձգման հնարավորությունը՝ պայմանով, որ Ուկրաինան կատարի պարտավորագրի բոլոր դրույթները:
«Գազպրոմի» ղեկավար Ալեքսեյ Միլլերը մարտի 30-ին հայտնել է, որ գազի ընկերությունը դիմել է Ռուսաստանի կառավարությանը՝ երեք ամիս ժամկետով Ուկրաինայի համար գազի զեղչ տրամադրելու խնդրանքով: Ուկրաինայի համար զեղչի տրամադրման հնարավորությունը նախատեսված է «Գազպրոմի» և «Նաֆտոգազի» միջև գործող պարտավորագրով, հիշեցրել է նա: Զեղչի հաշվառմամբ Ուկրաինայի համար գազի գինն ապրիլի 1-ից կարող է կազմել 250 դոլար հազար խորանարդ մետրի դիմաց: