Մեքսիկայում Կոլիմա հրաբուխը 3,5 կիլոմետր բարձրությամբ մոխրի ամպ է արտանետել
ԱՐԽԻՎՀուժկու պայթյուն է տեղի ունեցել Կոլիմա հրաբխի խառնարանում, հրաբուխ, որ գտնվում է Մեքսիկայի մայրաքաղաքից 480 կիլոմետր արևմուտք ընկած շրջանում, տեղեկացնում է «Արմենպրես»-ը:
Ինչպես հաղորդել են քաղաքացիական պաշտպանության ներկայացուցիչները, հրաբխաերախից ժայթքել է մոխրի և գոլոշու ամպ, որը հասել է ավելի քան 3,5 հազար մետր բարձրության:
Արտանետման հետևանքով «մոխրի տեղումներ» են գրանցվել Խալիսկո արևմտյան նահանգի մի քանի մունիցիպիաների տարածքում: Բնակչությանը խորհուրդ է տրված միջոցներ ձեռնարկել շնչուղիների պաշտպանության համար և առանց հատուկ անհրաժեշտության դուրս չգալ իրենց տներից:
Կոլիմա հրաբուխը, որի բարձրությունը ծովի մակերևույթից շուրջ 4 հազար մետր է, ակտիվության վիճակում է գտնվում արդեն ավելի քան 500 տարի, հաղորդել է ՏԱՍՍ-ը:
Լուսանկարը' depositphotos.com-ի