Պուտինի հայաստանյան այցը չի վնասի ռուս-թուրքական հարաբերություններին. Պեսկով
ՔաղաքականԱպրիլի 24-ին Ռուսաստանի նախագահ Վլադիմիր Պուտինի այցը Հայաստան չի անդրադառնա Ռուսաստանի և Թուրքիայի փոխհարաբերությունների վրա: Այս մասին ասել է Ռուսաստանի նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը:
«Տվյալ դեպքում այդ միջոցառումները չեն կարող բնութագրվել որպես ինչ-որ բանի վնասող»,- հայտարարել է նա՝ պատասխանելով հարցին՝ արդյոք Կրեմլում մտավախություն չունե՞ն, որ առաջիկայում սպասվող Պուտինի այցը Երևան կարող է վնասել «Թուրքական հոսք» խողովակաշարի կառուցման հեռանկարներին:
«Մենք Թուրքիայի հանրապետության հետ շատ սերտ գործընկերական հարաբերություններ ունենք, որոնք ունեն տնտեսական փոխշահավետ համագործակցության շատ ամուր հիմք,- նշել է Պեսկովը:- Համաշխարհային շատ խնդիրների վերաբերյալ մեր դիրքորոշումները համընկնում են»:
Կրեմլի ներկայացուցիչը շեշտը դրել է այն բանի վրա, որ «Հայաստանը մեր հարևանն է, երկիր է, որի հետ մեզ անհամար տարբեր թելեր են կապում»: Պեսկովի խոսքով՝ խոսքը ԵՏՄ-ին անդամակցության և ինտեգրման հետագա հեռանկարների մասին է: