Վիտալի Բալասանյանն ակնկալում է, որ 6-րդ գումարման ԱԺ-ում կընդգրկվի նաև ‹‹Շարժում 88›› կուսակցությունը
ԱրցախԼՂՀ-ում խորհրդարանական ընտրություններն ընթանում են բնականոն հունով եւ առայժմ որեւէ ընտրատարածքից խախտումների մասին արձագանքներ ‹‹Շարժում 88›› կուսակցությունում դեռ չեն ստացել: Ինչպես տեղեկացնում է «Արմենպրես»-ի թղթակիցը, կուսակցության ցուցակը գլխավորող Վիտալի Բալասանյանն ասաց, որ իրենք կապ են պահում բոլոր ընտրատարածքների հետ:
‹‹Օրվա կեսն արդեն անցել է, եւ կարող եմ ասել, որ ընտրությունները նորմալ են ընթանում: Երևի առաջին անգամ է, որ նման լավ, համերաշխ ընտրություն է ընթանում››,- ասաց Բալասանյանը' հավելելով, որ ընտրության արդյունքները որոշում է ժողովուրդը, սակայն իրենք հույս ունեն, որ 6-րդ գումարման Ազգային ժողովում իրենց կուսակցությունն էլ կլինի:
Բալասանյանը նշեց, որ մեծամասնական ընտրակարգով առաջադրված իրենց թեկնածուները ճանաչված մարդիկ եւ հատկապես պաշտպանության հարցում նվիրված եւ հայրենասեր անձնավորություններ: