Բելառուսն արդեն հույսը չի դնում միայն ռուսական շուկայի վրա, որտեղ շուրջ 900 մլն դոլար է կորցրել. վարչապետ
ԱշխարհԲելառուսը մտադիր է դիվերսիֆիկացնել իր արտահանումը և հույսը չի դնում միայն ռուսական շուկայի վրա, որտեղ այս տարի հանրապետությունը շուրջ 900 մլն դոլար է կորցրել: Այդ մասին, ինչպես տեղեկացնում է «Արմենպրես»-ը, «Բելառուս 1» ազգային հեռուստաալիքի եթերում հայտարարել է երկրի վարչապետ Անդրեյ Կոբյակովը:
Նա ասել է, թե «խնդիր է դրված 5 մլրդ դոլարի հասցնել արտահանումը Չինաստան, Հնդկաստան, Ինդոնեզիա, Հյուսիսային Աֆրիկայի, Լատինական Ամերիկայի երկրներ»:
«Ընդամենը կառավարությունը 56 երկիր է նշել որպես իր արտադրանքի համար հեռանկարային շուկաներ»,- հայտարարել է վարչապետը: Ընդսմին նա հայտնել է, որ «այս տարվա երկու ամսում մենք այդ 56 հեռանկարային շուկաներ 107 մլն դոլարով ավելի շատ արտադրանք ենք ուղարկել, քան անցյալ տարի», հաղորդել է ՏԱՍՍ-ը: