Ռիգայի գագաթնաժողովում Վրաստանի ու Ուկրաինայի համար չեղյալ չեն համարվի շենգենյան այցագրերը
ԱշխարհՌիգայում մայիսի 21-22-ը կայանալիք «Արևելյան գործընկերության» գագաթնաժողովում եզրափակիչ փաստաթղթի նախագծում նախատեսված չէ դրույթ ԵՄ-ի հետ Վրաստանի ու Ուկրաինայի համար առանց այցագրի ռեժիմի մասին: Նախագծում չի որոշվի նաև դրա ներմուծման հստակ ամսաթիվը: Այս մասին հայտնել է ՏԱՍՍ-ը` հղում անելով Բրյուսելում դիվանագիտական աղբյուրին:
«Փաստաթուղը կհաստատի ԵՄ-ի ընդհանուր ձգտումը՝ Ուկրաինայի հետ հաստատել առանց այցագրի ռեժիմ, ու կնախանշի հետագա քայլերը, որոնք Ուկրաինան պետք է կատարի առանց այցագրի ռեժիմի սահմանման հետագա ճանապարհին»,- ասել է դիվանագետը:
«Ինչ վերաբերում է ժամկետին, ապա ներկայում քննարկվում է այդ որոշումը 2016թ. տեղափոխելու հարցը»,- ասել է նա:
Դիվանագետը նաև բացատրել է, թե 2016 թվականի հիշատակումը «չի նշանակում, որ Եվրամիությունը պարտավորված է հաջորդ տարի չեղյալ հայտարարել այցագրերը»:
«Ամեն ինչ կախված կլինի Ուկրաինայի գործողություններից, այդ երկրում բարեփոխումների արդյունավետությունից ու առանց այցագրի ռեժիմի համար բոլոր անհրաժեշտ չափանիշների կատարումից»,- ասել է դիվանագետը: