«Ժողովուրդ». Վերջին երկու ամիսներին ԲՀԿ-ի շարքերում խմորումներ են ընթանում
Հայկական Մամուլ«Վերջին երկու ամիսներին ԲՀԿ-ի շարքերում խմորումներ են ընթանում, որոնց ետևում ՀՀ երկրորդ նախագահ Ռոբերտ Քոչարյանի «ականջներն» են երևում: Քոչարյանը կարծես թե փորձում է ԲՀԿ-ի ներսում իրեն հավատարիմ անձանց թիմ ձևավորել՝ իր հետագա քաղաքական ծրագրերն իրագործելու համար: Եվ հիմա Աժ ԲՀԿ խմբակցությունում նա 3 պատգամավոր «ունի»՝ Էլինար Վարդանյանը, Վահե Հովհաննիսյանը և Ստեփան Մարգարյանը:
Է. Վարդանյանը «Ժողովուրդ»-ի հետ զրույցում, իհարկե, հերքեց ԲՀԿ-ի ներսում Քոչարյանի ենթակայության խումբ ստեոծելու և ԲՀԿ տեսակետից տարբերվող քվեարկությունների մասին լուրերը: «Մինչ քվեարկությունները տարբեր տեսակետ ունենալու դեպքում, մենք այդ մասին հայտնում ենք և վերջում՝ քվեարկությունների ժամանակ, առավել ժողովրդավարական սկզբունքներով ենք առաջնորդվում: Բոլորը քվեարկում են այնպես, ինչպես իրենց համոզմամբ ճիշտ է»,- ասաց Վարդանյանը: Նկատենք, որ երբ Գագիկ Ծառուկյանը քաղաքականապես դեռ ողջ էր, է Վարդանյանը նույնիսկ չէր համարձակվում այսպես մտածել, իսկ հիմա արտահայտվում է»,–գրում է թերթը։
Մանրամասները՝ թերթի այսօրվա համարում։