Ֆրանսուհուն դատապարտել են 9 տարվա ազատազրկման՝ իր 8 երեխային սպանելու համար
ԱշխարհՖրանսիացի տնային տնտեսուհին դատապարտվել է 9 տարվա ազատազրկման՝ 1989-2000 թվականների ընթացքում իր նորածին 8 երեխային սպանելու համար, հաղորդում է The Local-ը:
Նախկին բուժքույր Դոմինիկ Կոտրեն վախեցել է, որ հղիացել է սեփական հորից, որի հետ ինտիմ կապի մեջ է եղել մանկությունից, ինչը ձգվել է մինչև հոր մահը 2007 թվականին: Թեստերը, սակայն, ցույց են տվել, որ բոլոր երեխաները ծնվել են իր ամուսնուց` Պիեռ Մարի Կորեից:
Քանի որ Դոմինիկը բավական գեր է, ոչ ոք, այդ թվում՝ ամուսինը, երկու դուստրերը, բժիշկները չեն նկատել, որ նա հղի է: Երեխաներին նա գաղտնի է ծննդաբերել, իր տան լոգարանում: Նորածիններին նա խեղդել է և թաքցրել տան հարակից տարածքում:
Երբ նրա ծնողները վաճառել են իրենց տունը, նոր սեփականատերը 2010 թվականին պատահաբար այգում երկու նորածնի մարմին է հայտնաբերել՝ պլաստիկե տոպրակներում: Եվս 6 նորածնի մարմին հայտնաբերվել է Դոմինիկ Կոտրեի սեփական տանը:
Դրանք թաքցված են եղել սպիտակեղենի կողովում, ավտոտնակում և պահարանում:
Քննությունը դեռ պետք է պարզի, թե արդյոք տան անդամները տեղյա՞կ են եղել այդ հանցագործությունների մասին, թե՞ ոչ: