Նախարար Ղազարյանն այցելել է հեծանվային սպորտի հավաքական թիմին
ՀասարակությունՀՀ սպորտի և երիտասարդության հարցերի նախարար Գաբրիել Ղազարյանը Հայաստանի հեծանվային մարզաձևի ֆեդերացիայի նախագահ Արման Սահակյանի հետ այցելել է Ծաղկաձոր:
Այդտեղ ուսումնամարզական հավաք անցկացնող հեծանվային սպորտի հավաքական թիմը պատրաստվում է եվրոպական մրցաշարերի' երիտասարդական առաջնությանը (Հունաստան) և պատանեկան oլիմպիական ամառային փառատոնին (Վրաստան): Նախարար Ղազարյանը քաջալերել է հեծանվորդներին՝ նշելով, որ մասնակցելով միջազգային մրցաշարերի՝ բոլոր հայ մարզիկները պետք է չմոռանան, որ իրենք ներկայացնում են Հայաստանի Հանրապետությունը' անելով առավելագույնը մեր հայրենիքն արտերկրում արժանավայել ներկայացնելու համար:
Ղազարյանը և Սահակյանը զրուցել են մարզիկների հետ և նրանց մաղթել հաջողություններ առաջիկա մրցաշարերում: Նախարարը ֆեդերացիայի նախագահի հետ քննարկել է նաև հեծանվային սպորտի զարգացման հետագա ուղիները և այդ ուղղությամբ կատարվելիք համատեղ ծրագրերը: