Իրանի մշակույթի նախարարը Երևանում քննարկել է զբոսաշրջության և մշակութային ժառանգության պահպանման խնդիրները
ԱՐԽԻՎՀայաստանի և Իրանի Իսլամական Հանրապետության մշակույթի նախարարները Երևանում քննարկել են համատեղ ֆիլմարտադրության, զբոսաշրջության զարգացման, թարգմանչական գործունեության և մշակութային ժառանգության պահպանման հարցերը: Ինչպես հաղորդում է «Արմենպրես»-ը՝ վկայակոչելով իրանական Tehran Times առաջատար լրատվամիջոցը, ԻԻՀ մշակույթ ի և իսլամական առաջնորդության նախարար Ալի Ջանաթին Երևան է այցելել մասնակցելու «Մշակութային քաղաքականություն, քաղաքականություն մշակույթի համար» երկօրյա միջազգային համաժողովին:
Իրանցի նախարարը հանդիպել է նաև մի շարք հայ գիտնականների, փորձագետների, ուսուցիչների և Կապույտ մզկիթի պարսկերենի թարգմանիչների հետ: Ջանաթին վկայակոչել է Մովսես Խորենացու «Հայոց պատմությանը» և հայ պատմագրության մի քանի այլ գործեր՝ նշելով, որ դրանք անգնահատելի տեղեկություններ են հաղորդում Իրանի և դրա պատմության մասին: Որոշ հայկական աղբյուրներում մանրամասն տեղեկություններ են պահպանվել Պարթևական թագավորության (մ.թ.ա 247- մ.թ. 224 թթ.) մասին, որոնք, իրանցի նախարարի գնահատմամբ, պետք է թարգմանվեն պարսկերեն: