Իստրայում ավիավթարի ենթարկված հիդրոինքնաթիռը հանգստացողներ էր վերցրել «վայրի» լողափից
ՌուսաստանԻստրայի ջրամբարի երկնքում ուղղաթիռի հետ բախված հիդրոինքնաթիռը վերցրել Էր ուղեւորների, որոնք հանգստանում Էին ոչ պաշտոնական լողափին: Այդ մասին, ինչպես տեղեկացնում է «Արմենպրես»-ը' հղում անելով «Ինտերֆաքս»-ին, հայտնել է Մոսկվայի մարզի կառավարության փոխնախագահ Դմիտրի Պեստովը:
«Ջրամբարներում բոլոր դժբախտ պատահարները տեղի են ունենում հենց «վայրի» լողափերին, որոնք չունեն արտակարգ իրավիճակաների նախարարության համապատասխան թույլտվությունը: Բացառություն չԷ նաեւ Իստրայի ջրամբարում տեղի ունեցած ողբերգությունը. հանգստի վայրը, որտեղից թռել է հանգստացողների փոխադրող հիդրոինքնաթիռը, թույլատրված վայր չէր մարդկանց հանգստի եւ լողի համար»,- մեջբերում Է փոխնախագահի խոսքը նրա մամուլի ծառայությունը:
Ինչպես հաղորդվել Է, օգոստոսի 8-ին Մոսկվայի մարզի Իստրայի ջրամբարի երկնքում բախվել են թեթեւշարժիչավոր ինքնաթիռը եւ «Ռոբինսոն» ուղղաթիռը: Ինքնաթիռում եղել Է հինգ մարդ, նրանցից երկուսը՝ երեխա, ուղղաթիռում՝ չորս մարդ, նրանցից մեկը՝ երեխա:
Ռուսաստանի Քննչական կոմիտեի Մոսկվայի տրանսպորտի միջտարածաշրջանային քննչական վարչությունում սույն փաստով հարուցվել եւ հետաքննվում Է քրեական գործ՝ ՌԴ-ի Քրեական օրենսգրքի 263-րդ հոդվածի 3-րդ մասով (օդային տրանսպորտի երթեւեկության անվտանգության կանոնների խախտում, ինչն անզգուշության պատճառով հանգեցրել Է երկու եւ ավելի անձանց մահվան):
Ավելի վաղ ՌԴ-ում ՀՀ դեսպանությունը հաստատել Է, որ Հայաստանի չորս քաղաքացիներ, այդ թվում՝ երկու երեխա, են զոհվել Իստրայի ջրամբարի շրջանում ուղղաթիռի հետ Cessna-206 հիդրոինքնաթիռի բախման հետեւանքով:
«Ինչ վերաբերում Է Հայաստանի քաղաքացիներին, ապա ներկա պահին նրանց վերաբերյալ հայտնի Է, որ զոհվել են Պարույր Նորիկի Մանուկյանը՝ ծնված 1987 թվականին, նրա մարմինն առայժմ հայտնաբերված չԷ, Լարիսա Վրեժի Մանուկյանը՝ ծնված 1982 թվականին, Օֆելյա Ազատի Գլչյանը՝ ծնված 2005 թՎականին, ինչպես նաեւ Էրիկ Ազատի Գլչյանը՝ ծնված 2007 թվականին»,-հայտնել են ՌԴ-ում Հայաստանի դիվանագիտական ներկայացուցչության մամուլի ծառայությունում: