Եվրախումբը օգոստոսի 14-ին հանդիպում կանցկացնի Հունաստանի օգնության ծրագրի շուրջ
ԱշխարհՀունաստանի ֆինանսական օգնության երրորդ ծրագրի վերաբերյալ համաձայնագիրը, հավանաբար, կկնքվի օգոստոսի 14-ին եվրագոտու ֆինանսների նախարարների հանդիպման ընթացքում: Այդ մասին, ինչպես տեղեկացնում Է «Արմենպրես»-ը, հայտարարել Է Իսպանիայի կառավարության նախագահ Մարիանո Ռախոյը:
«Եվրամիությունը կրկին մեծ խաղագումար Է դնում: Հուսանք, որ այդ խաղադրույքը Հունաստանին մեկընդմիշտ կօգնի վերադառնալ բնականոն կյանքի»,- Ռախոյի խոսքը մեջբերել Է Reuters գործակալությունը: «Հունաստանի վերաբերյալ համաձայնագիրն ավելի ու ավելի Է մոտենում: Ես հուսով եմ, որ բարեփոխումներն այս երկիրը կվերադարձնեն աճի եւ նոր աշխատատեղերի ստեղծման»,-հավելել Է վարչապետը:
Ավելի վաղ Հունաստանի ֆինանսների նախարարության ներկայացուցիչը հայտնել Է, որ երկրի կառավարությունը եւ միջազգային վարկատուները համաձայնության են հասել երրորդ վարկային ծրագրի շուրջը, որը նախատեսված Է երեք տարվա համար: Նրա խոսքով, մասնավորապես, համաձայնություն Է ձեռք բերվել վարկատուների պատվիրակությունների ղեկավարների հետ բանավեճերի երկու հանգուցային թեմաների՝ մասնավորեցման նոր հիմնադրամի շուրջ, որը 30 տարվա ընթացքում կկուտակի 50 միլիարդ եվրո գումարի պետական ակտիվներ, եւ բանկային ժամկետանց փոխառությունների հիմնախնդրի կարգավորման շուրջ, որոնք հասնում են 90 միլիարդ եվրոյի:
Մինչ այդ Հունաստանը եւ միջազգային վարկատուների պատվիրակությունների ղեկավարները բանակցությունների ընթացքում նախնական համաձայնության են հասել երկրի մակրոտնտեսական ցուցանիշների բազային սցենարի շուրջը:
Հունաստանը հույս ունի, որ վարկային ծրագրի վերաբերյալ համաձայնագիրն ուժի մեջ կմտնի մինչեւ օգոստոսի 20-ը: Երկիրը մտադիր Է մինչեւ այդ օրն ստանալ առաջին մասնաբաժինը եւ Եվրոպայի կենտրոնական բանկին վճարել 3,2 մլրդ եվրո պարտքը հաղորդել Է ՏԱՍՍ-ը: