ՀՅԴ-ն շոկի մեջ է գցել իշխանություններին. օգնության է հասել ԲՀԿ-ն
Հայկական Մամուլ«Հրապարակ» թերթը գրւմ է.
«Թերթի տեղեկություններով, կառավարությունում շոկ են ապրել' տեղեկանալով, որ ՀՅԴ-ն դեմ է քվեարկելու 2016-ի բյուջեին, որովհետեւ հունվարին ՀՅԴ-ին սպասում էին որպես կոալիցիոն գործընկեր: Բյուջեի քվեարկությունը տեղի կունենա ոչ թե երկուշաբթի մեկնարկող արտահերթին, այլ դեկտեմբերի 7-ի հերթական նիստին:
Մինչ այդ բավականին ժամանակ կա, հնարավո՞ր է ձեր մոտեցումը փոխվի, հարցրինք Արծվիկ Մինասյանին: «Ժամանակ ունենք, առաջիկայում կքննարկենք քվեարկության ձեւը»: Ընտրելու եք «ոչ»-ի եւ «ձեռնպահի» միջե՞ւ: «Այո»: Բա կոալիցիա՞ն. ասում են' «ինչ-որ բաներ» եք ուզել, չեք ստացել: «Չկա՛ մեր ուղեգծից եւ վարքագծից որեւէ շեղում, մնացածը ձեր լրագրողական վարքագիծն է»:
Ի դեպ, թերթի տեղեկություններով, ՀՅԴ-ի «վարքագիծը» պատճառ է դարձել, որ մոբիլիզացվի ԲՀԿ-ն, որը մեկ մարդու նման «կողմ» է քվեարկելու, ընդ որում' քոչարյանականներն էլ դեմ չեն լինելու. չեն մասնակցելու կամ ձեռնպահ են լինելու»:
Առավել մանրամասն՝ թերթի այսօրվա համարում