Այսօր՝ ապրիլի 29-ին, ինքնասպանություն է տեղի ունեցել Երևանում:

Ինչպես դեպքի վայրից հայտնել է ֆոտոլրագրող Գագիկ Շամշյանը, ժամը 17.00-ի սահմաններում Երևանի Զավարյան 1ա 10-հարկանի շենքի տանիքից ինքնասպանության նպատակով իրեն ցած է նետել 60-ամյա մի տղամարդ, ով տեղում մահացել է:

Դեպքի վայր է ժամանել Էրեբունու բաժնի օպերատիվ խումբը՝ բաժնի պետի օպերգծով տեղակալ Արսեն Ավոյանի գլխավորությամբ:

Տեղում է եղել նաև ոստիկանության քննչական գլխավոր վարչության Էրեբունու քննչական բաժնի քննիչը:

Դեպքի վայրում հավաքված հարևանները ֆոտոլրագրողին պատմել էին, որ ինքնասպան եղած տղամարդը 4 օր առաջ էր դուրս գրվել հոգեբուժական հիվանդանոցից:

Ըստ հարևանների՝ մահացածը տարիներ առաջ նույնպես ինքնասպանության փորձ էր կատարել՝ 6-րդ հարկից նետվելու եղանակով, սակայն այն ժամանակ կենդանի էր մնացել:

Լուսանկարը՝ Գագիկ Շամշյանի։

Tert.am