Ածուխի արդյունահանման ավստրալիացի խոշոր ձեռնարկատեր Կլայվ Պալմերը խոստացել է կառուցել և 2016–ին ծով դուրս բերել «Տիտանիկ» զբոսանավի կրկնօրինակը, հաղորդում է BBC–ն։

«Այն կլինի նույնքան շքեղ, որքան նախորդն է եղել, միայն ժամանակակից տեխնոլոգիաներով և նավիգացիոն համակարգով», – ասել է Պալմերը։  Նոր զբոսանավի նախագծային և կառուցման աշխատանքները կսկսվեն 2013–ի վերջին եռամսյակում։ Սակայն միլիարդատերը չի հայտնել, թե որքան գումար կծախսվի այն կառուցելու համար։

Մեծ Բրիտանիայում վերջերս մասշտաբային հիշատակի երթ էր կազմակերպվել 1912 թվականի ապրիլի 15–ի գիշերը «Տիտանիկ»–ի խորտակվելու առիթով։