Հայ ռազմագերիներին երրորդ երկիր փոխանցելու մասին պաշտոնական հաղորդագրություն չկա. Արմեն Կապրիելյան

2012-04-30 23:27:14

Ըստ մամուլում շրջանառվող լուրերի՝ Ադրբեջանի իշխանությունները երրորդ երկրի են փոխանցել երեք հայ ռազմագերիներին: Լուրեր.com-ի հետ զրույցում Գերիների, պատանդների եւ անհայտ կորածների հարցերով զբաղվող հանձնաժողովին առընթեր աշխատանքային խմբի ղեկավար Արմեն Կապրիելյանը նշեց, որ դեռ որևէ պաշտոնական հաղորդագրություն չկա. «Ինձ էլ են բանավոր կերպով հայտնել, սակայն առայժմ ոչ մի պաշտոնական հաստատում չկա դրա հետ կապված: Այդ ինֆորմացիան տարածել են ադրբեջանական իշխանությունները, նույն կերպ բանավոր ինձ հեռախոսով հայտնել են Կարմիր Խաչի միջազգային կոմիտեից:

Հստակ տեղեկություններ, սովորաբար, այս կերպ է ստացվում՝ Կարմիր Խաչի միջազգային կոմիտեի միջոցով, որպես միջնորդ միջազգային կազմակերպություն։ Նրանց միջոցով միշտ պաշտոնապես տեղեկացվում ենք, այսինքն՝ պաշտոնական նամակ է գալիս մեր հասցեին», - նշեց Կապրիելյանը:

Դիտվել է 1172 անգամ:
Լրահոս
23 Օգտ
Ողջ լրահոսը...>>
Ամենաշատ ընթերցվածը