«Քաղաքաբնակները» հաղթեցին «Կարմիր սատանաներին». Պրեմիեր լիգան հնարավոր է նոր չեմպիոն ունենա

2012-05-01 00:56:08

Վայրկյաններ առաջ ավարտվեց Անգլիայի պրեմիեր լիգայի 36-րդ տուրի կենտրոնական հանդիպումը՝ մանչեսթերյան դերբին՝ «Մանչեսթեր Սիթի» և «Մանչեսթեր Յունայթեդ» թիմերի միջև։ «Յունայթեդ»–ը խաղից առաջ 3 միավորով գերազանցում էր մրցակցին և հաղթանակի դեպքում վստահ կարելի էր խոսել, որ չեմպիոնը կմնար նույնը։ Սակայն, այս մտքի հետ համաձայն չէին «Քաղաքաբնակները»։ «Սիթի»–ի ֆուտբոլիստները մեծ ջանք գործադրեցին և կարողացան հաղթանակ տոնել նվազագույն հաշվով՝ 1-0։

Միակ և իր թիմի համար հաղթական գոլը հեղինակեց Վինսենթ Կոմպանին։ Չնայած թիմերն այժմ ունեն 83-ական միավոր, սակայն խփած և բաց թողած գոլերի ավելի լավ հարաբերակցություն ունի «Մանչեսթեր Սիթի»–ն, որն էլ զբաղեցնում է այս պահին մրցաշարային աղյուսակը։

Դիտվել է 816 անգամ:
Լրահոս
30 Հոկ
Ողջ լրահոսը...>>
Ամենաշատ ընթերցվածը