ՀԱԿ-ը, ՀՅԴ-ն ու ԲՀԿ-ն ախպերություն են անում. Արամ Գ. Սարգսյան

2012-05-04 12:59:01

«Զարմանալի էր, որ այս պահին ոխերիմ թշնամինեը կարող են դառնալ ոխերիմ բարեկամներ»,- այսօր լրագրողների հետ հանդիպմանը նման կարծիք հայտնեց Դեմոկրատական կուսակցության առաջնորդ Արամ Գասպարի Սարգսյանը՝ անդրադառնալով Հայ ազգային կոնգրես-«Բարգավաճ Հայաստան»-«Դաշնակցություն» համագործակցությանը:

«Կոալիցիա կազմելու պատրաստակամություն հայտնող այդ կուսակցությունների քաղաքական գծում սկզբունքը ոչ մի նշանակույուն չունի: Խոսքը նրա մասին է, թե ինչպես վերցնեն իշխանությունը: Ուղղակի գնալ իշխանափոխության ու նորից նույն ուժերը լինեն, որ շարունակեն այս ամենը, ոչ մի բան չի փոխվի: ՄԵնք չենք հեռացել մեր գաղափարական տեսակետից և դրանով շատ հպարտ ենք»,- հայտարարեց Սարգսյանը:

Նրա կարծիքով՝ երեք բացարձակ անհամատեղելի մարմիններ ուզում են միավորվել, ու նրանցից յուրաքանչյուրը կարող է մյուսին հետագայում «քցել»:

«Այդպսիսի ախպերություն, որ սկսել են էդ երեքը, չեմ կարծում, թե լավատեսություն է ներշնչում: Ամեն ինչ չէ , որ հարթ է լինելու»,- եզրակացրեց Սարգսյանը:

Անդրադառնալով երեկ Ռոբերտ Քոչարյանի՝ «Մեդիամաքս»-ին տված հարցազրույցին, Արամ Սարգսյանն ասաց, թե Սերժ Սարգսյանի և Ռոբերտ Քոչարյանի բանակցություններն ավարտվել են ապարդյուն և Սերժ Սարգսյանը մերժել է Ռոբերտ Քոչարյանին վարչապետ նշանակել:

Դիտվել է 587 անգամ:
Լրահոս
26 Հոկ
Ողջ լրահոսը...>>
Ամենաշատ ընթերցվածը