Այս ընտրություններն արդեն իսկ բեմադրված են, բեմադրիչի անունն է Սերժ Սարգսյան. Ժիրայր Սեֆիլյան
ՀասարակությունԻնչ տեղի ունեցավ Մաշտոցի պուրակում, տեղի չէր ունեցել տասնութ տարվա մեջ, - այսօր լրագրողների հետ հանդիպման ժամանակ ասաց Սարդարապատ շարժման նախաձեռնող խմբի անդամ Ժիրայր Սեֆիլյանը՝ հավելելով, որ հասարակությանը դեռևս չէր հաջողվել վարչախմբի դեմ հաղթանակ տանել։
«Որականական հստակ տարբերություն կա այս սերնդի, նրանց քաղաքական բովանդակության և ինչու չէ՝ նաև իրենց մարտական ուղու մեջ, - նշեց Ժիրայր Սեֆիլյանը և կոչ արեց բոլորին չկարևորել Սերժ Սարգսյանի այցը Մաշտոցի պուրակ: «Այս ռեժիմի պարագլուխների կողմից PR փորձն անիմաստ է: Նրանք իրենց այդ քայլով կարող են աշխարհաքաղաքային կենտրոնների աչքը շոյել, բայց ոչ մեր ժողովրդին խաբելու համար, բայց ոչ մեր հասարակությանը խաբելու համար, - նշեց Ժիրայր Սեֆիլյանը՝ այս վերնախավն անվանելով հակահայ, ոճրագործ համակարգ:
Խոսելով ընտրությունների մասին, Ժիրայր Սեֆիլյանը նշեց, որ այս ընտրություններն արդեն իսկ բեմադրված են, «այդ բեմադրիչի անունն է Սերժ Սարգսյան և մենք առաջարկում ենք արհամարհել այս ընտրությունները», - նշեց Սեֆիլյանը՝ հավելելով, որ ամեն ինչ արդեն կանխորոշված է և կուսակցապետերն էլ արդեն գիտեն իրենց ստանալիք տոկոսները: «Ամբողջ քաղաքական դաշտը, ընդդիմադիր ուժերն էլ իրենց հետ կեղծ են», - ասաց Ժիրայր Սեֆիլյանը:
Իսկ Լուրեր.com-ի այն հարցին, թե ինչպես է ինքը վերաբերվում Սարդարապատ շարժման համակիր, երեկվանից ԿԸՀ-ի դիմաց հացադուլ է հայտարարած շարժման Արտավազդ Վարդանյանի տեսակետներին, Սեֆիլյանն ասաց, որ ինքը գաղափարական առումով կողմ է նրա հետ, բայց պայքարի այդ միջոցն իր համար անընդունելի է, քանի որ դա վնասում է մարդու առողջությանը: